Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вялікія савукі: Лавіся рыбка ... Частка І

Хаця зранку цяпер і большы мароз, але часта выходзіць сонца, якога па абедзе ўжо няма. Таму хапае святла, каб здымаць птушак на Нёмане. Ну і зразумела, што зранку ўсе яшчэ галодныя і таму актыўна шукаюць ежу ці палююць, а вялікія савукі (Mergus merganser), пра якіх гаворка ніжэй - рыбачаць.

Недалёка за пляжам рыбачыла пара савукоў, якія часта ныралі, але ўсё безвынікова. І вось самка трымае нешта ў дзюбе! А гэтае 'нешта', негледзячы на зусім малыя памеры, не здаецца і круціцца-выгінаецца. Я думаў, што гэта наўрацці дапаможа, але аказался інакш!

Самка не праглынула рыбку з першага разу, апусціла ў ваду каб узяць яе інакш, потым яшчэ раз спроба праглынуць і зноў не атрымалася. Апускае і перакладвае і так яшчэ два разы, пасля чаго выпускае ахвяру!

Дзякуючы Віталю Кашчэеву атрымалася вызначыць рыбку і хутчэй за ўсё гэта шчыпоўка (Cobitis taenia). Гэты від мае шыпы на галаве і менавіта з-за іх самка савука не змагла яе праглынуць як ні перакладвала.

А самец побач пры мне нічога не злавіў. Але наперадзе быў хаця і кароткі, але дзень і пэўна, са сняданкам і абедам.

Нёман у Гродна, 23-01-2022

Аўтар - Дзьмітры Вінчэўскі

Каментары

Дзякуй за добрыя словы! Так, часам атрымліваецца не толькі ўбачыць, але і зняць нешта цікавае.

А наконт чапляў - Ваша праўда. Некалі зімой знайшлі з братам парэшткі шэрай чаплі, якую забіў і з'еў арлан-белахвост. Дык ў яе страўніку былі калючкі ад дзесяткаў, калі не ад сотні калюшак!

Так што памер горла тут, канешне, мае значэнне)