Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Шуляк-галубятнік

16.09.21, Гомель, Сасоннік (у сэнсе, "парк Фестывальны"), здымкі дакументацыйныя.

Сасоннік - парк невялікі, з усіх бакоў аточаны старымі спальнымі мікрараёнамі, ходжаны-пераходжаны і сярод мясцовых жыхароў вядомы сваёй сталай папуляцыяй вавёрак. Уласна кажучы, вавёрак у траве я ў той момант і фатаграфавала. А потым крыху ўзняла вочы і ўбачыла птушку.

Птушка сядзела проста на сцяжыне. Ну, або, як бачна па здымках, на галубе, а ўжо голуб ляжаў на сцяжыне.

Потым яна ўхапіла галуба, пераляцела па-над кустамі і села на газон.

Потым ці то шуляк мяне спужаўся, ці то вырашыў перабрацца ў іншае месца, але зноў узняўся і паляцеў прэч. Амаль адразу ён упусьціў галуба, вяртацца ня стаў - то і зляцеў без здабычы.

Так і застаўся голуб на газоне...

...Трохі смешна тое, што калі я ішла ў Сасоннік - як раз думала "і чаго ўсе гэтыя драпежнікі не прылятаюць з палёў у горад лавіць халяўных галубоў".

Каментары

Вельмі цікавае назіранне і дакумэнтальныя фатаграфіі. У людным месцы ўбачыць паляванне шуляка - гэта рэдка каму ўдаецца. Пашанцавала апынуцца ў патрэбны час, у патрэбным месцы...