КАМЕНТАРЫ

Больш каментароў →

CLUB200

АПОШНІЯ ФОТАЗДЫМКІ

Пустальга ў Мінску

У панядзелак, 21.05.2012, калі я па дарозе ва ўніверсітэт мінаў студэнцкі гарадок, я заўважыў у небе недалёка ад інтэрнатаў невялікую птушку. Па характэрнаму палёту вызначыў, што гэта пустальга. А па колеру хваста вызначыў, што паляваў самец - хвост быў шэры з чорнай каймой (на відэа не бачна - здымаў на камеру тэлефона). Пустальга некалькі разоў "завісала", адзін раз плаўна апусцілася на зямлю. Зрабіўшы пасля спробы палявання (удалай ці не - не бачыў) некалькі віткоў гіганцкай спіралі ў паветры, птушка праляцела над дахам аднаго з інтэрнатаў і знікла з вачэй. Самец, можа, сямейны? Ці халасты? Невядома. Дарэчы, для мяне гэта быў новы від (і такое бывае ;) ). Садзяюся, што пустэльгі ўсё ж гняздуюць недзе ў Мінску, каб сустрэчы такія адбываліся часцей.
 

www.youtube.com/watch

Каментары

biot - 07.06.2012 - 19:16

Falcon, так і есць, на відэа пустальга. У Мінску яны гняздуюць, гэта не адкрыцце. Наконт гэтага самца цяжка адказаць, ці ен халасты альбо з птушанятамі. Трэба назіраць больш: ці есць ен здабытых грызуноў на месцы, альбо нясе куды. На будынку бачны нейкія вентыляцыйныя шахты па-над вокнамі. Можа, там і жыве.

Falcon - 19.06.2012 - 19:27

 Паважаныя карыстальнікі, падкажыце, калі ласка, як правільна ўстаўляць відэа у назіранні і каментары, каб атрымоўвалася "акенца" прама на вэб-старонцы сайту, каб можна было прама з яе глядзець запіс, а не толькі спасылка на ю-туб?

Harrier - 19.06.2012 - 20:00

Пад акном відэа ёсьць кнопка Share (Share or Embed this video)

Націскаеце яе i  Embed

Пазначаеце птушачкай - Use old embed code

потым капіруеце "стары код устраіваньня"
Пад акном каментараў націскаеце Выключыць тэкставы рэдактар, устаўляеце скапіраваны код і націскаеце Уключыць тэкставы рэдактар.
Павінна з'явіццца акно з відэа. Тое самае пад здымкамі ці ў Нашых назіраньнях.