Вячэра зімародка

Дакументацыйныя здымкі

Пасля нечакана цёплага і сонечнага дня я стаяў у вусця Гараднічанкі і час ад часу здымаў як заходзіць сонца. І тут з майго берагу Нёмана, за Гараднічанкай, выляцеў зімародак (Alcedo atthis)!

Я змог прасачыць месца, куды ён сеў на куст вярбы на другім беразе ракі, і хаця яўна было зацёмна для здымкаў, усё ж зрабіў серыю дакументацыйных кадраў.

Хутка пасля гэтага зімародак нырнуў, але ці злавіў ён што, я ўжо не бачыў.

І тут мне пашанцавала яшчэ раз - збоку ад мяне, на беразе Гараднічанкі бліснула рыбка, якую у дзюбе трымаў яўна шчаслівы "кароль рыбаловаў"!

Я зрабіў адзін здымак - ён ніжэй, і адразу ўключыў запіс відэа, на якое святла яшчэ хапіла: