Шэрая курапатка ў цэнтры гораду

Дакументацыйныя здымкі і відэа

Як толькі я перайшоў дарогу ад нашага дому, каб спусціцца па напалову засыпанаму невялікаму яру да Нёмана, як у некалькіх метрах ад мяне шэрая варона вымусіла некалькі метраў праляцець шэрую курапатку (Perdix perdix) са скверыка ў дарогі ў гэты яр.

Курапатка прызямлілася у аснавання куста алычы і супакоілася, нават час ад часу спрабавала там пад'есці. Але варона- не.

Спачатку варона спрабавала падабрацца да курапаткі зверху, а потым, разам з сяброўкай ці партнёрам, сталі падбірацца знізу і зверху. Курапатка выбегла вышэй, але вароны не адставалі і нават спрабавалі небяспечна наблізіцца. І тады я вырашыў умяшацца. Але не з-за варон, а з-за таго, што там у нас рэгулярна бегаюць і коцікі, і сабачкі. 

Курапатка пераляцела бліжэй да ракі і яе далей за ёй не глядзеў.

Як самка курапаткі апынулася ў цэнтры гораду, мне не зразумела. Адзіны разумны варыянт - прабралася ўздоўж Нёмана і паднялася ў скверык. Але для чаго - нават калі так і было - мне цяжка растлумачыць.

28-12-2020, Гродна

Аўтар - Дзьмітры Вінчэўскі