Брытанскія навукоўцы спадзяюцца вярнуць тупікоў на востраў Рэмзей

Распрацавана адмысловая праграма па вяртанні тупікоў (Fratercula arctica) на гнездаванне на востраў Рэмзей (Ramsey Island), які ляжыць недалёка ад узбярэжжа Ўэлсу (Вялікабрытанія). Адным з галоўных яе кампанентаў з’яўляецца прайграванне запісаў галасоў гняздуючых птушак. Акрамя гэтага, ў розных месцах расстаўлены пластыкавыя тупікі-манекены.

Тупікі зніклі з вострава яшчэ ў ХІХ стагоддзі з-за таго, што ўсё больш пацукоў пачало збягаць на зямлю з караблёў. Праз некалькі год гэтыя грызуны вынішчылі гняздуючых на скалах птушак. У сваю чаргу 14 год таму пацукі нарэшце былі цалкам вынішчаныя на Рамзеі, аднак дагэтуль былыя віды птушак не вярнуліся гнездаваць на востраў.

Хаця ў мінулым годзе 4 тыдні прайгравання галасоў не дала выніку ў выглядзе гняздуючых тупікоў, аднак некалькі разоў птушкі былі адзначаныя на скалах пад дынамікамі, а аднойчы ажно 8 асобін прызямліліся сярод пластыкавых сабраццяў.

Сёлета прайграванне гукаў гняздуючых тупікоў запланавана на ўвесь сезон. Таму навукоўцы спадзяюцца, што ў гэты раз гэта можа дапамагчы аднаўленню гнездавой калоніі.

Паводле www.wildlifeextra.com падрыхтаваў Дзьмітры Вінчэўскі

Здымак Анджэя Смалінскага

На гэтую тэму:

ПТУШЫНЫЯ МАНЕКЕНЫ ДАПАМОГУЦЬ РЭАЛЬНЫМ ПТУШКАМ

ПАСПЯХОВЫ ПРАЦЯГ ГРАНДЫЁЗНАГА ПРАЕКТУ ПА ЎЗНАЎЛЕННІ ПРЫРОДНЫХ ЭКАСІСТЭМ НА ВОСТРАВЕ МАНА

НЕ ТОЛЬКІ НА СУШЫ, АЛЕ І Ў МОРЫ

АЎДЗІТ АНГЛІЙСКАЙ ПРЫРОДЫ – ПРАПАЛІ 500 ВІДАЎ!