Буслы прыляцелі!

Напэўна. менавіта сонечная пагода найбольш прычынілася да таго, што белыя буслы (Ciconia ciconia) вярнуліся амаль па ўсёй Беларусі.

Справа тут можа быць у тым, што для вялікіх птушак - такіх як буслы - вельмі важная менавіта сонечнае надвор'е пад час іх доўгіх пералётаў з месцаў зімоўкі ажно ў Паўднёвай Афрыцы. Ляцяць яны не актўным палётам, махаючы крыламі, а лунаюць ад аднаго тэрміка да другога. А тэрмікі - цёплае, узыходзячае паветра, якое ўтвараецца з-за таго, што паверхня зямлі нераўнамерна праграваецца сонцам. Таму і ўзнікаюць тэрмікі толькі над зямлёй - над вадой іх няма. Таму калі сонечна - ляцяць, калі пахмурна ці дажджы-снег - чакаюць пагоды.

Вярнуліся буслы - а ў нас марозы і есці асабліва няма чаго. І хаця некаторыя ўжо стаяць на гнёздах - як гэты бусел у в.Пракопавічы, большасць яўна мёрзне пад гнёздамі. 

Або выбіраюць самае смачнае з недаедзенай намі ежы на - як тыя некалькі птушак, якіх мы адзначылі 23-03-2020 на гарадзкой звалцы пад Гродна.

22-03-2020, Гарадзеншчына

Аўтар - Дзьмітры Вінчэўскі