Шэрая чапля супраць вялікай белай

На астраўках пасярод Нёмана і горада часам адбываюцца драматычныя падзеі)

Я здымаў маладую шэрую чаплю (Ardea cinerea)  (у яе карацейшая дзюба і выразна цямнейшая яе верхняя палавіна ў параўнанні з дарослай птушкай)  на максімальным зуме і не бачыў, што адбываецца навокал яе. А адбывалася нешта цікавае і не шэраговае, бо чапля павярнулася ў другі бок і стала ўзлятаць, выходзячы з кадра.

Аказалася, што побач захацела сесці вялікая белая чапля (Egretta alba), а шэрай яўна гэта не спадабалася і яна вырашыла напасці першай. Некалькі піруэтаў у паветры і вось абедзьве ляцяць уніз па плыні і скрываюцца за паваротам ракі.

Я пачакаў хвілін з 10 - ні шэрая, ні белая так і не вярнуліся. таму я вырашыў скончыць фотасесію з-за знікнення фотамадэляў.)

Але ўжо ўвечары маладая шэрая была на месцы і злавіла там жабку.

Нёман у Гродна, 21-08-2020

Аўтар - Дзьмітры Вінчэўскі