Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

У пошуках норкі зімародка

Дакументацыйныя здымкі

У апошнія гады неяк не атрымлівалася знайсці час на тое, каб пашукаць норку (ці норкі) зімародкаў (Alcedo atthis) на Гараднічанцы.І вось гэтай вясной я вырашыў выправіць гэтую сытуацыю.

Справа аблягчаецца тым, што прыдатны для гэтых птушак участак ракі не такі ўжо працяглы і абрывістых участкаў берага, дзе яны маглі б вырыць норку, не так шмат. Ды і побач з рэчкай такіх месцаў зусім нямнога.

А з іншага боку ніжняя плынь ракі ушчыльную забудаваная і не паўсюль ёсць доступ да берага. Ды і мае назіранні павінны адбывацца на такой адлегласці, каб быў дастатковы агляд і каб не спалохаць птушак.

І вось пад час праверкі аднаго добрага месца аказалася, што зімародкі з рыбкай ляцяць далей, вышэй па плыні рэчкі. І калі я сеў назіраць за другім абрывістым участкам берага, то вырашыў, што пачакаю на птушак там 2 гадзіны. Прыляцяць - будзе зразумела, што норка недзе тут ці яшчэ будзе імі капацца. Паляцяць вышэй - буду шукаць прыдатнае месца там. А не прыляцяць - буду шукаць ніжэй па плыні.

І вось 2 гадзіны прайшлі, а зімародкаў я так і не ўбачыў. Толькі сабраўся ўставаць, каб вяртацца дахаты, ажно чую характэрны свіст і зімародак прызямляецца як раз насупраць мяне, метрах у 25!

Пасядзеў ён там, двойчы ўзлятаў і завісаў як калібры яскравым дыямантам, але норку не стаў капаць і адляцеў назад, у бок Нёмана. Так што чакаць яго там ці ўсё ж шукаць у іншых месцах, засталося незразумелым (

Гараднічанка, Гродна, 07-04-2022

Аўтар - Дзьмітры Вінчэўскі

Каментары

Во, як пашанцавала вам, і добрае відэа атрымалася, і здымкі. Мінулай восенню я таксама бачыў які ляціць зімародак ўздоўж ракі. Чакаў больш за гадзіну, але ён не паўтарыў свой аблёт.