Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Звычайныя рудахвосткі прыляцелі!

Хутчэй за ўсё, звычайныя рудахвосткі (Phoenicurus phoenicurus) прыляцелі троху раней. Але ў месцы маіх пастаянных назіранняў у горадзе першы самец з'явіўся толькі сёння. І мне хочацца думаць, што я нават змог убачыць яго прылёт. Ён нечакана з'явіўся на свежых пабегах вяза, і калі я навёў камеру паглядзець - хто гэта?, коратка і выразна заспяваў.

А потым стаў даследаваць наваколле, у якім, хутчэй за ўсё, гнездаваў у мінулым годзе. І з'яўляцца ў розных месцах на рознай адлегласці ад мяне. Раптам ён маланкай паляцеў і там некалькі метраў пераследаваў іншага самца! У птушак вельмі важна апынуцца на гнездавой тэрыторыі першым, таму што хто першы - таго і тэрыторыя. І таму ўсё ў яго атрымалася. Але каб папярэдзіць наступныя магчымыя інцыдэнты, 'мой' самец пачаў спяваць у розных месцах. А пасля выглядваў з агароджы насякомых і плаўна злятаў за імі ва ўжо адрослую траву. І так некалькі разоў. Бо навошта патрэбна тэрыторыя, калі ты яе не выкарыстоўваеш як след?

Спадзяюся, што ўсё ў яго атрымаецца і ўсё самае цікавае наперадзе.

29-04-2022, Гродна

Аўтар - Дзьмітры Вінчэўскі

Каментары

Снимки -  огонь, как Вы любите выражаться, особенно первые. "Горит" не только хвостик, но вся птица. Действительно, при многолетнем наблюдении в одном месте, замечаешь, что птицы возвращаются именно домой, в одно и тоже место.

Калі сонечны пагодлівы дзень, атрымліваюцца такія яркія, маляўнічыя здымкі птушак. Мяне зацікавіў і такі арыгінальны непрыступны плот. Што ім абгароджаны?