Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Рачныя крычкі: 18+

Рытуалы для таго і ўзнікаюць, каб тыя, хто ў іх удзельнічае, хутчэй і лепш разумелі адно аднаго ці ўсіх удзельнікаў, эканомяць час і энергію для існавання і простых, і складаных узаемаадносін. Карацей, спрашчаюць узаемаадносіны.

Можна, канешне, паспрабаваць іх парушыць, каб атрымаць чаканае хутчэй і прасцей. Але так гэта не працуе і сведкай падобнага выпадку я і стаў.

Самка рачной крычкі (Sterna hirundo) - адпаведна з назвай - гучна і чаcта крычала пра тое, што яна галодная, седзячы на прытопленым ля берагу валуне. Калі спрашчаць, то сэнс гэтых паводзін у тым, каб самец пакарміў яе і тады атрымае магчымасць капуляцыі і перадачы сваіх генаў патомкам. І сапраўды, хутка прыляцеў самец. Але без рыбкі ці іншага пачастунку і проста заскочыў на спіну самцы!

Самка прыадкрыла крылы, каб той нахабнік не зваліўся з яе, але яўна не была гатова да капуляцыі і проста трывала ўсё гэта. Самец час ад часу махаў крыламі каб утрымацца, спрабаваў апусціць хвост каб наблізіць сваю клааку да клаакі самкі, але самка не адказвала ўзаемнасцю, хаця прынцыпова і не была супраць.

На прыканцы трэцяй хвіліны таго, што у большасці птушак займае секунды, самец стаў пастукваць самку дзюбай у патыліцу. І ў рэшце рэшт двойчы - як і мае быць - за секунды адбылася капуляцыя. Пасля чаго нядоўга пасядзеў побач з самкай і адляцеў.

Нёман у Гродна, 14-05-2022

Аўтар - Дзьмітры Вінчэўскі

 

 

Каментары

Нагадвае мне такое стаўленне, як бывае часам і ў людзей: без цырымоній, без кветак, падарунку .... і яшчэ - сто грам запатрабуюць. Вось і ў крачак такія "рыцары" сустракаюцца.  Назіранне і фоткі цікавыя.