Гэтая пара вялікіх галубоў (Columba palumbus) была разам на беразе Нёмана, але па якой прычыне я так і не зразумеў. Спачатку я заўважыў адну птушку, якая актыўна збірала раслінную ежу і для гэтага пералятала на некалькі метраў і вярталася, а потым , не адразу, убачыў і другога галуба, які амаль нерухома сядзеў у той жа расліннасці недалёка ад першага.
Справа ў тым, што ў гэтага віда ўжо павінны быць вялікія птушаняты і дарослыя галубы маглі збіраць там ежу для патомства. Або нешта ў іх пайшло не так з першым вывадкам і яны трымаліся разам для таго, каб праз нейкі час паспрабаваць яшчэ раз. Бо вядома, што вялікія галубы з гарадзкіх папуляцый могуць гнездаваць нават тры разы за сезон.
Тым не менш птушкі не баяліся мяне і атрымалася зрабіць ім некалькі здымкаў.
Гродна, 17-05-2022
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
Каментары
pva - 20.05.2022 - 11:44
Прыгажосць! Такія буйныя…
Прыгажосць! Такія буйныя выразныя "партрэты" галубей на фоне зеляніны глядзяцца вельмі прывабна. У мяне ёсць фоткі, дзе галубы "пасуцца" ў парку на зялёным лужку, збіраючы насенне і казурак. Яны заўсёды кормяцца на зямлі.
Harrier - 20.05.2022 - 23:41
Дзякуй! Галубы вельмі…
Дзякуй! Галубы вельмі фотагенічныя птушкі.
Сёння атрымалася зняць працяг гісторыі гэтай пары, хутка павешу.