КАМЕНТАРЫ

Больш каментароў →

CLUB200

АПОШНІЯ ФОТАЗДЫМКІ

Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:dz.vincheuski@gmail.com па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: dz.vincheuski@gmail.com

Варона ... у рацэ

шэрая варона

Дакументацыйныя здымкі

Мы вярталіся з прагулкі па беразе Нёмана, калі наперадзе пачуліся гучныя і частыя крыкі некалькіх шэрых варон (Corvus corone cornix), над вадой адбывалася нейкая сутычка і гэтак жа раптоўна, як усё пачалося, наступіла цішыня і каля 15 варон разляцеліся. А ў вадзе засталася адна з іх, метрах у 20 ад берагу!

Ніколі раней  я такога не бачыў, успомніўся толькі адзіны выпадак, калі менавіта вароны (?) прымусілі прывадніцца ў Нёмане значна меншую за іх памерамі птушку. Але каб адна адну?

Варона ў рацэ спачатку хутчэй за ўсё была ў шоку, але хутка ачомалася і заграбаючы крыламі, паплыла да берагу. А за ёй з агароджы набярэжнай назірала пара варон і яшчэ адна прыляцела і села на беразе недалёка ад вады насупраць нечаканай плаўчыхі. Але праз некалькі секунд тая засталася адна, выбралася на бераг і залезла ў густыя вярбовыя кусты, дзе і пачала сохнуць.

Што было прычынай такой масавай і жорсткай сутычкі, засталося невядомым.

Гродна, 07-03-2025

Аўтар - Дзьмітры Вінчэўскі

Каментары

pva - 10.03.2025 - 15:58

Было, мусіць так. У бойцы сашчапіліся дзве птушкі, і не заўважылі, як апусціліся да самай вады. Расчапіўшыся, ніжняя птушка ўцякаючы вільнула ўніз і ўпала ў раку...