Зялёная перасмешка за вакном

Час ад часу мой спіс відаў птушак, адзначаных 'за вакном', папаўняецца. (Насамрэч гэта ўсе тры нашыя вокны, за якімі я магу назіраць птушак, а гэтай вясной я вырашыў, што будзе правільна дадаць у спіс і від, які я што праўда не бачыў ні праз воднае вакно, але ён праляцеў так, што я яго назіраў з вуліцы ў такім месцы, дзе мог бы гэта зрабіць калі б быў у гэты час у хаце).

І вось у пачатку чэрвеня з дрэўцаў з густым лісцем, якія я некалькі гадоў таму пасадзіў за вокнамі, раздалася добра знаёмая, энергечная песенка зялёнай перасмешкі (Hippolais icterina)! Я схапіў камеру і нават убачыў птушку сярод галін, але сфатаграфаваць не паспеў - яна адляцела. Калі ж я праз хвілін 5 выйшаў з дому і пайшоў да ракі, аказалася, што птушка чакае мяне) - яна пераляцела праз дарогу і зноў спявае, з каштана, якімі абсажана школа за дарогай. 

Зялёная персмешка прылятае калі і не апошняй, дык дакладна адной з апошніх нашых спевакоў у сярэдзіне мая і яе выразныя спевы, якія толькі падкрэслівае яе назва - гэта перапевы іншых відаў, прычым 'на іншай хуткасці'. Для тых, хто яшчэ памятае прайгравальнікі і пласцінікі-кружэлкі, найпрасцей уявіць прайграванне пласцінкі на 33 абароты на хуткасці ў 45. Нейкія кавалкі яшчэ можна ўспрымаць як знаёмыя, але многія - ўжо не:

Прычым у адрозненне ад мноігх іншых нашых спевакоў, зялёнай перасмешцы зусім не абавязкова сядзець адкрыта, каб спяваць. І тое, што яна затрымалася на амерыканскім клёне недалёка ад каштанаў так, што я паспеў прысесці і зняць яе, мне, канешне, пашанцавала:

Гродна, 07-06-2026

Аўтар - Дзьмітры Вінчэўскі