Цудоўны дзень

 Некалькі дзён назад мы зрабілі асноўную місію і мы зрабілі сабе выходны. Я нарэшце дабраўся да вялізарнага возера, якое знаходзіцца недалёка ад нашага цэнтру і на якім усе ўжо пабывалі апроч мяне, але спачатку мы паехалі ў горы праверыць гняздо арла-маркута.

 Ён загняздзіў недалёка ад цэнтру. Гняздо знаходзіцца ў скалах, і ў ім мы абнаружылі аднаго птушаня. Другая грацыёзная птушка – сьцярвятнік – таксама загнездаваў недалёка ад цэнтра, і напэўна не адна пара, бо цяпер мы бачылі птушку з гнездавымі паводзінамі зусім у іншым месцы – будзе чым заняцца на выходных. А пад вечар мы нарэшце дабраліся да возера. Яно сапраўды здавалася агромным, а самае галоўнае, па берагах паўсюль кіпела жыцьцё. Адразу бросіліся ў вочы вялізарныя сілуэты пеліканаў. Побач з ружовымі знайшла месца і пару кучаравых, дый шэрыя чаплі. Перад імі ў затоцы плавалі разнастайныя качкі – пярэстая, лапаноска, чырка, цыранка, “мраморный чирок” (прабачце, забыўся, як па-беларуску), чырвананосы нырок, сівак – напэўна хопіць! :) А вось перад самой затокай паўсюль кішаць кулікі. У асноўным гэта белахвостыя пясочнікі і кулікі вераб’і, але добрую частку складаюць і баталёны, вялікія грыцукі, паручайнікі, хадулачнікі.. Да таго ж часта да мясцовага шматгалося далучаюцца белахвостыя пігаліцы, якіх тут таксама ня мала. Знайшла месца на шумным беразе і чарада чорных караваек. Займаецца сэксуальнымі справамі пара стэпавых ціркушак – робяць яны гэта досыць доўга, амаль дзьве хьвіліны Мітусяцца тутака і чародкі плісак, а на правадах ахоўваюць свае гнездавыя ўчасткі чорныя ёрчыкі – новы для мяне від. У небе праляцела чарада малых белых чапель. Так, убачыўшы ўсю гэтую разнастайнасьць, настрой робіцца па-сапраўднаму сьвяточным. Хочацца далучыцца да ўсяго гэтага крылатага хараства, вось толькі лятаць ня ўмееш, а на тое плаваць ня так складана. Што мы і зрабілі… адкрыўшы тым самым купальны сэзон для сябе. Вяртаемся назад з цудоўным настроем. Побач з дарогай на правадах сядзяць чародкі шчурак і сівагракаў. Іх тут, больш чым у нас вераб’ёў. І хочацца на ўсё гэта сказаць … MARVELOUS !!!

Фота чорнага ёрчыка зрабіў Эдуард Мангін.