Дакументацыйныя здымкі
Унядзелю наша невялікая кампанія назірала незвычайную карціну. Ехалі мы грунтоўкай паміж палямі, як раптам заўважылі наперадзе лося (Alces alces), які шпарка бег па ўзаранай глебе.
Пакуль мы прыпыніліся і апусцілі шыбы, лось ужо прабег каля капліцы з могілкамі і кіраваўся ў бок ракі Свіслач.
І тут мы перад ім убачылі ... другога лося!
І калі да гэтага моманту мы не маглі зразумець магчымую прычыну палявога спрынту, то цяпер усё станавілася на свае месцы - яўна на нашых вачах самец гнаўся за самкай!
Прычым выглядала пагоня так, што першы лось (самка?) дазваляе другому (самцу?) дагнаць сябе.
Я ўжо спадзяваўся, што на нашых вачах адбудзецца самае цікавае... Але заканчэнне пагоні атрымалася нечаканым:
Аказалася, што звяры беглі пад вострым углом адзін да другога і недзе там, дзе мы чакалі ўбачыць іх сустрэчу, адбылося мінанне адно адным і лосі пачалі аддаляцца:
Яшчэ праз секунды лосі скрыліся ў пойме ракі каля вёскі Літвінкі...
Што гэта была за пагоня і чаму адбывалася яна непасрэдна на адкрытых прасторах палёў, засталося невядомым.
22-12-2014, Гарадзеншчына
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
Каментары
Falcon - 24.12.2014 - 03:00
Это как у Кипелова: "... Мы
Это как у Кипелова:
"... Мы шли навтречу, всё ускоряя шаг.
Прошли насквозь, друг друга не узнав..."
У них же гон уже кончился, уже и рога посбрасывали многие. И да, похоже на то, что более скоростной лось - самец, а более медленный - самка или молодой.