Чаротніца ўзімку. Частка ІІ: змена рацыёну

Працяг. Пачатак ТУТ

На другі дзень зіма вярнулася: уначы прымарозіла і берагі прысыпала тонкім слоем снегу. З-за таго, што плыні ў сярэдзіне купіны трыснягу, у якім хавалася чаротніца (Gallinula chloropus) фактычна няма, паміж сухімі сцяблінамі амаль паўсюль ўтварылася ледзяная корка і птушка больше не магла харчавацца там, як раней. .

Таму прыйшлося выходзіць на заснежаны бераг і там хутка і спраўна адрываць і накіроўвываць у рот зялёную расліннасць. Спачатку чаротніца старалася трымацца як мага бліжэй 'роднага' трыснягу, але потым паступова выйшла на адкрытае месца і там для яе знайшлася не толькі зялёная трава, але і нешта іншае, што яна даставала з вады, неглыбока засоўваючы туды галаву.

Нёман у Гродна, 04-02-2023

Аўтар - Дзьмітры Вінчэўскі

Працяг ТУТ