Хаця ўжо прыкладна з сярэдзіны восені я час ад часу заўважаў, як дразды-піскуны (Turdus pilaris) залятаюць у прысядзібныя сады і ласуюцца вінаградам, але падобныя назіранні здараліся нават не штотыдзень. З таго часу вінаградзіны, якіх параўнальна шмат засталося вісець ў розных частках гораду, паспелі шмат разоў замёрзнуць і адмёрзнуць і ў рэшце-рэшт ператварыліся ў нешта непрывабнае.
І вось дразды ізноў звярнулі ўвагу на вінаград і нават прыляталі яго есці адначасова па 2 птушкі. Але адганялі адзін аднаго не вельмі ўпартаб з непрыемным трэскам - так, для парадку - як ў пачатку восені адганялі ад ягад рабіны.
А вось паводзіны каля ягад не змяніліся: дразды з цяжкасцю праглыналі вялікую ягаду, а потым сядзелі некалькі зхвілін недзе побач, каб падагрэць яе ўнутры і пачаць засвойваць. І толькі потым вярталіся за наступнай. А пасля 2-3-х адляталі некуды далёка.
Гродна, 24-12-2023
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
КАМЕНТАРЫ