Крапіўнік: Праверка перад зімой

Дакументацыйныя здымкі

Хаця час ад часу нават у прыцемках яшчэ чуваць песні крапіўнікаў (T. troglodytes) у Нёмана, яны яўна ўжо падзялілі адпаведную расліннасць уздоўж берагоў на свае зімовыя тэрыторыі.

Але з-за таго, што гэтыя тэрыторыі параўнальна невялікія - вялікія заняць можа і можна, але іх не абараніць калі іншы крапіўнік захоча пакарыстацца -  важна правяраць ці не змянілася што навокал. Усё ж можа здарыцца што заўгодна  і варта аблятаць свае ўладанні час ад часу.

За гэтым заняткам я сёння і "застукаў" крапіўніка, які аблятаў свой трысняговы ўчастак, а заадно праверыў і бетонную набярэжную каля яго.

Нёман у Гродна, 26-11-2020

Аўтар - Дзьмітры Вінчэўскі

__________________________-

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.