Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Рудахвосткі-чарнушкі: Выкармліваем другі вывадак

рудахвостка-чарнушка

Рудахвосткі-чарнушкі (Phoenicurus ochruros) - напэўна адзін з нямногіх нашых відаў птушак, якому рэгулярныя кашэнні травяністай расліннасці ў нашых паселішчах дапамагаюць у пошуку здабычы.

Справа ў тым, што рудахвосткі ловяць насякомых і іх лічынак самага рознага памеру: ад невялічкіх да памерам з майскіх жукоў і для гэтага выкарыстоўваюць прысады, з якіх можна зручна назіраць за наваколлем. Зразумела, што калі 'трава' высокая, то заўважыць рух патэнцыйных ахвяр у ёй цяжэй, плошча магчымага назірання невялікая і каб дакладна выглядзець і схапіць здабычу, прыходзіцца завісаць над такім месцам у паветры - а гэта патрабуе шмат энергіі.

Таму хаця ў расліннасці пасля кашэння яўна меншая разнастайнасць і колькасць насякомых, але заўважыць і злавіць іх там нашмат лягчэй і ніякага завісання не трэба. Часам рудахвосткі выкарыстоўваюць і іншую стратэгію палявання і нават часцей я яе назіраў у маладых птушак, якія выляцелі не так даўно, але ўжо жывуць самастойным жыццём. Гэта паляванне на насякомых, якія перабягаюць ці выбягаюць на плітку - там іх бачна здалёк, схавацца ім няма куды і таму можна сядзець на больш высокай прысадзе і назіраць за большай плошчай.

Так што некаторыя птушкі прыстасаваліся да тых умоваў, якія мы ім навязваем. Але такіх відаў, на жаль, не шмат.

07-2022, Гродна

Аўтар - Дзьмітры Вінчэўскі