Калі я ўжо вяртаўся з ранішняй прагулкі з нашым сабакам і праходзіў каля гарадзкога пляжа, то пачуў рэзкі і гартанны крык шэрай чаплі (Ardea cinerea).
Знайсці яе ў прыбярэжнай расліннасці з краю пляжа было ўжо нецяжка. Я падыйшоў крыху бліжэй і стаў чакаць - як хутка яна зловіць рыбу? Але для спраўнага рыбака гэта было ўжо толькі справай часу. Чапля падыходзіла ўсё бліжэй і бліжэй да адкрытай вады і нават качкі-крыжанкі побач не маглі адцягнуць яе ўвагу.
Адзін брасок у ваду і вось - рыбка ў дзюбе!
Ці то больш спадзеваў на наступную не засталося, ці то чапля вырашыла ўсё ж выбірацца з зарасцяў на ўсялякі выпадак, але яна хутка пераляцела на супрацьлеглы бераг.
Нёман у Гродна, 18-01-2020
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
Каментары
pva - 19.01.2020 - 14:03
Чаплі і іншыя птушкі…
Чаплі і іншыя птушкі адчуваюць сябе, як летам-восенню: цёпла, корму хапае, ёсць дзе хавацца ... Ды і натуралістам радасныя такія сустрэчы. Ад гэтага і добрыя здымкі.