Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Шэрая варона: арэхавы сезон працягваецца, ці 2 ў 1

Дакументацыйныя здымкі

Як гэта не дзіўна, і шэрыя вароны (Corvus cornix), і гракі (C. frugilegus) працягваюць знаходзіць і з'ядаць грэцкія арэхі і зімой. Хутчэй за ўсё, гэта ўжо не аднойчы перахaваныя арэхі. У некаторых выпадках птушкі ўсё яшчэ стараюцца не з'есці, а схаваць іх у новым месцы, але значна часцей, канешне, разбіваюць і з'ядаюць.

Так атрымалася і з гэтым арэхам, які змагла раскалоць на 2 палавіны шэрая варона. Але з'есці змесціва яна не паспела, як ужо прыляцеў грак і стаў хадзіць вакол яе. Спачатку яна не звяртала ўвагу, але потым вырашыла перанесці арэх у новае месца. Але як гэта зрабіць, калі змесціва яшчэ застаецца ў абодвух палавінках шкарлупіння? Пераносіць па чарзе не атрымаецца - грак толькі і чакае гэтага. Таму варона з другой спробы змясціла абедзьве (!) палавінкі ў дзюбе і без праблем перабралася на ходнік.

Але грак і не думаў адлятаць, таму троху пад'еўшы, варона вырашыла адляцець ад гра(к)ха далей. Ізноў з другой спробы ўзяла абедзьве палавінкі арэху ў дзюбу і паляцела. Грак адразу прыбег на месца 'абеду' вароны, але нічога спажыўнага там не знайшоў.

Гродна, 10-01-2022

Аўтар - Дзьмітры Вінчэўскі

 

Каментары