Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Шэрыя вароны: І ў нас вясна!

шэрая варона

Дакументацыйныя здымкі

Пазаўчора, калі я з самай раніцы з вакна на кухне назіраў за неверагодна прыгожым і яркім усходам сонца, раптам зусім недалёка прызямлілася шэрая варона (Corvus (corone) cornix) і стала перабіраць тонкія галінкі, якія валяліся пасля зімы пад старой алычой. Брала адну, кідала, шла да другой, падымала і зноў кідала. Пакуль я хадзіў за камерай каб зняць гэта, варона ўжо перамясцілася і не адна, а ўдвух з партнёрам ці партнёркай, сядзела насупраць вакна ў іншым пакоі. Аказалася, што нічога для будовы гнязда яны не выбралі і адляцелі.

А ўжо ўчора зранку пара (гэтых жа?) шэрых варон выпрабоўвала сваё старое гняздо на вяршаліне каштана як раз праз дарогу ад нашага дома. Птушкі па чарзе няспешна сядалі ў гняздо і правяралі ці зручна будзе ў ім сядзець і пад час адкладкі яек, і потым пад час інкубацыі і гадавання птушанят. Працягвалася гэта нядоўга і хутка спачатку адна, а потым і другая варона адляцела. Ці то шукаць матэрыял каб паправіць гняздо, ці то пашукаць ежу ў пачатку дня.

13і 14-03-2023, Гродна

Аўтар - Дзьмітры Вінчэўскі