Рознакаляровыя ў сонечных промнях шпакі (Sturnus vulgaris) сярод яркіх і шматлікіх вясновых кветак выглядаюць надзвычай прыгожа. Аднак самім птушкам наўрацці высокая расліннасць ў месцах пошуку здабычы падабаецца. Там цяжэй заўважыць небяспеку і самастойна, і адпаведныя паводзіны шпакоў-суседзяў па паляванні. А таксама хутчэй за ўсё цяжэй шукаць самую даступную шпакам вясной і ў першую палову лета ежу - дажджавых чарвякоў. Але ёсць і плюсы: у густой і параўнальна высокай расліннасці, тым больш сярод кветак, павінна быць значна больш розных насякомых і бесхрыбетных паляўнічых на іх, чым у нізкай расліннасці. Іх застаецца толькі заўважыць і злавіць, ці часам нават проста сабраць.
Гродна, 04-2024
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
Каментары
pva - 22.04.2024 - 09:07
Сярод жоўтых кветак шпак…
Сярод жоўтых кветак шпак проста прыгажун. Пёры, як у трапічных птушак. І шпакам, мне так здаецца, вельмі падабаецца шукаць корм сярод прыгажосці. Знята дабра.