Вялікія бакланы ў зімовым горадзе

Дзякуючы вялікім, але непрацяглым марозам, у цэнтры гораду на Нёмане ўтварыўся ледзяны востраў. Больш пра гэта ТУТ.

Яго распалажэнне пацэнтру ракі і параўнальна вялікія памреы хутка прыцягнулі ўвагу не толькі чаек, але і паступова, вялікіх бакланаў (Phalacrocorax carbo).

Іх колькасць днём увесь час павялічвалася і дасягнула прыкладна сотні птушак. У параўнанні з мінулай зімой гэта не так і многа - тады Нёман і вышэй ГЭС не замёрз. Але пасля марозаў па 20 градусаў, столькі бакланаў бачыць было дзіўна.

Цікава, што некаторыя з птушак - у ўжо іх белая галава і ярка-белая пляма збоку цела - гатовы размнажацца, іншыя паступова мяняюць пер'е на такое ж шлюбнае.

Я паступова спусціўся да іх бліжэй, чым у мінулы раз і яны не звярталі на мяне ўвагі. Але калі на іншы бераг пад'ехалі 2 машыны МЧС і адзін з пажарнікаў спусціўся да вады ў яркім касцюме і стаў плюхацца ў метрах 100 ажд востарва з птушкамі, яны хутка адляцелі. Прычым усе - спачатку чайкі, апошнімі - бакланы.

Я спачатку выругаўся і пайшоў падымацца на набярэжную і павярнуў дахаты. Бо не спадзяваўся, што ў бліжэйшы час птушкі вернуцца. Аднак ўсё аказалася цікавей! Бакланы пачалі плаваць не вельмі далёка ад вострава і я ніколі так блізка іх на вадзе не здымаў. Таму вырашыў пахваліць мчсніка і ў думках нават зрабіў гэта)

https://youtu.be/IJ1hx0k_Qc0