Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вясковыя ластаўкі: другі заход

Дакументацыйныя здымкі

Пасля таго, як выляцеў першы вывадак і вясковыя ластаўкі (Hirundo rustica) выкармілі яго ўжо пасля вылета, можна было б і адпачнуць. Але як мінімум некаторыя птушкі пачалі другое гнездаванне. У апошнія тры дня я назіраю, як ластаўкі прылятаюць паасобку і парамі, і падбіраюць сухія травінкі, якія пасля чарговага скошвання расліннасці засталіся на набярэжнай Нёмана.

На некаторых здымках ніжэй добра бачна, што ў птушак дзюба і згібы крылаў у сухой ці яшчэ вільготнай гразі. Ці значыць гэта, што ластаўкі будуюць новыя гнёзды ці ўсё ж толькі папраўляюць старыя, не ведаю. Але птушкі прылятаюць за сухімі раслінамі прыкладан раз у 5 хвілін, так што гэта б сведчыла хутчэй пра новую будоўлю - як раз за такі час птушкі маглі б прыносіць некалькі кавалачкаў гразі і потым перакласці іх травінкамі.

Набіраць за раз шмат травінак таксама няма сэнсу, бо проста няма куды іх прыляпіць. Спяшацца ў такой важнай справе наўрацці варта - слаі гразі павінны высахнуць, каб трымаць усё, што вышэй і птушак у прыдачу.

Цікава (гл. апшні здымак), што да збірання расліннасці далучылся і яўна маладая птушка, якая выляцела неўзабаве. Ці гэта прсота падражанне дарослым і травінка нікуды не была прылеплена, ці гэта дапамога дарослым (бацькам?), засталося невядомым.

18 - 20.07.2021, Гродна

Аўтар - Дзьмітры Вінчэўскі