Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Гракі: Вясна будзе!

Дзень ужо значна павялічыўся з пачатку году, хаця ў пахмурныя дні ўпэўнена гэта і не скажаш. Аднак у птушак свае алгарытмы жыцця і нават адсутнасцю яркага сонца іх не збіць з дасягнення галоўнай мэты - размнажэння. А каб яно адбылося, трэба або ўжо знайсці адпаведнага партнёра, або пацвердзіць сваю адданасць стараму (ці хутчэй, папярэдняму).  Вось за гэтым апошнім я і застаў пару гракоў (Corvus frugilegus) студзеньскім ранкам у скверыку каля нашага дому.

На здымках без каментароў зразумела хто ёсць хто, і хаця я бачыў гэтае рытуальнае кармленне ў гракоў другі раз у жыцці (першы быў прыкладна месяц таму і пра яго будзе троху ніжэй), яно здзівіла мяне двума рэчамі.

Першае: я амаль упэўнены, што самец нічога не меў у дзюбе каб пакласці ў рот самцы, і падгарлавы мяшок яго яўна быў пусты. А гэта значыць, што адбываўся толькі рытуал, без кармлення. І другое: адразу пасля першага самка пачала прасіць другое кармленне і яно таксама хутка, і таксама без ежы, адбылося. Можа таму, што нічога з ежы насамрэч не атрымала першы раз? А можа таму, што першы раз самец не быў дастаткова пераканаўчы ў тым, што рабіў? Тым не менш, пасля другога пара разыйшлася, хаця і недалёка адзін ад аднаго.

А месяц таму, на прыканцы снежня я назіраў, як самец падбег і пакарміў самку ў іншым скверыку, і заадно адагнаў іншага грака, які, як яму падалося, стаяў заблізка да яго дамы.

Вясна будзе!

Гродна, 26-01-2022

Аўтар - Дзьмітры Вінчэўскі

Каментары

Дзякуй! Так, навокал шмат цікавага адбываецца, часта трэба толькі апынуцца ў адпаведны час у патрэбным месцы.

У кожнага выгляду птушак (і ў звяроў) свае метады спакушэння ўпадабанай "дамы", свой незвычайны рытуал паводзін. Вам удалося злавіць адзін з такіх цікавых момантаў.