КАМЕНТАРЫ

Больш каментароў →

CLUB200

АПОШНІЯ ФОТАЗДЫМКІ

Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вечаровыя здані

20.07.22, Гомель, хмызы за Давыдаўкай

Прыйшла ўвечары паглядзець, хто сёння ёсць. Вецер дзьме, вербы гойдаюцца, нікога не відаць, амаль нікога не чуваць - адно ластаўкі са свіргулямі ў небе носяцца. Няўдалае надвор'е. Потым бачу - бусел лятае, сфатаграфавала яго (дома фотку паглядзела, а ён чорны). Пайшла была ў той бок - мо хоць бусла ўпалюю? - бачу, чапля. Дзьве. Чатыры. Шмат. Зляцелі.

Палазіла па хмызах у тым баку, куды зляцелі... іх там, напэўна, паўсотні. Бо стаялі побач, потым большасць адляцела - і я ўсё адно налічыла дваццаць.

На жаль, вячэрняе сонца сьвяціла моцна, таму, белыя чаплі прыгожа ззялі, выглядалі трохі хімерна, але на фотках расплываліся.

Сярод белых чапляў былі і шэрыя, але падаецца, зусім няшмат.

---

Пасля вялікай вады ў хмызах засталося шмат забалочаных участкаў, зніклі кляшчы і памяняўся склад насельніцтва. Чаротаўкі, напрыклад, мігравалі бліжэй да Давыдаўкі, бо іхнія звычайныя месцы гнездаванняў у траўні былі на два метры ніжэй за водную паверхню. Малых грычуноў сёлета ўвогуле ня бачыла. А белых чапляў ня бачыла летась, лыску сёлета сустрэла ўпершыню, і над ручаём, дзе вада чысцейшая, лятае тут адзін сіні і дробны - таксама раней не трапляўся...

Бонусны бусел:

Каментары