Невидимка

Супер здымак для падручніку - такое не часта і ўбачыш, не толькі сфатаграфуеш.

Але на паваленым трысьнягу не вельмі дапамагае схавацца:)

Валерый, можа знойдзеце час і для раздзелу Нашы назіраньні? Думаю, што Вам ёсьць чым падзяліцца - можна ж не толькі пра птушак, гледзячы па Вашым здымкам чэрапах-жабак-зьмей у Вас было шмат цікавых сустрэч з імі - і не толькі ў Зоне. А ведаеце Вы пра іх нашмат больш нас.

Сустрэча з птушкай адбылася ў адзін з красавіцкіх дзен 2010 года. Я быў у "зоне" па сваіх герпеталагічных справах і надкнуўся на вялікага бугая выпадкова. Ехаўшы на веласіпедзе па грунтовай дарозе, паралельна якой працякае былы мелірацыйны канал, бакавым зрокам ледзь угледзяў у трыснягу, нешта падобнае як на малюнку пра вялікага бугая з Чырвонай кнігі Беларусі. Спыніўшыся, я прыгледзеўся і быў вельмі ўражаны. Гэта сапраўды аказаўся "чырвонакніжны" від з скрытным складам жыцця, прычым вялікага бугая  да гэтуль,я ні разу не бачыў! Птушка была ў 3-5 м ад супрацьлеглага берага канала, і хутчэй за ўсе, там кармілася. Спачатку яна стаяла поўнасцю на нагах, як толькі я спыніўся, яна прысела і задраўшы ў верх галаву, павольна пачала паварочвацца у мой бок яшчэ болей зліваючыся з біятопам. Калі я спрабаваў абайсці яе, каб сфатаграваць збоку, то яна знаходзячыся на тым жа месцы павольна паварочвалася і ў рэшце карціна заставалася аднолькавай. Зрабіўшы спробу падысці да птушкі бліжэй, яна "здагадалася" што маскіроўка не дзейнічае, паднялася ўвесь рост і паляцела ў супрацьлеглы бок. Вось такая гісторыя здымка.

Віншую, вельмі цікавая гісторыя.

Я сустрэлася з ім адзін раз непасрэдна ў нашым горадзе на рацэ. Верагодна, заблудзіўся... Там былі тры сцеблы трыснёга і ён стараўся быць нябачным. :-))

Я ніколі не забуду гэтую сустрэчу, хоць я яго бачыла ўжо некалькі разоў раней, у натуральных умовах у возеры.