Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Гараднічанскія зімародкі: самка засталася сама?

У мінулы раз, калі я назіраў за зімародкамі (Alcedo atthis), якія зрабілі норку ў беразе рэчкі Гараднічанкі недалёка ад яе ўпадзення ў Нёман у цэнтры Гродна, таксама бачыў і здымаў толькі самку.

Пачатак гісторыі ТУТ і ТУТ,

Яна зблізу добра адрозніваецца ад самца - у апошняга дзюба ўся чорная, у самкі паддзюб'е з больш светлай чырванаватай плямай. 

У гэты ж раз я правёў у вусці Гараднічанкі прыкладна 1,5 гадзіны і за гэты час таксама не бачыў самца. Самка сама двойчы з рыбкамі залятала ў нару і аднойчы з'ела зусім малька, якога таксама злавіла яго самастойна.

На "бакене" яна адпачывала:

https://youtu.be/J1JNFxCG2wQ

... і забівала рыбку перад тым, як аднесці яе ў норку:

https://youtu.be/a_VobGuypNk

Больш з "бакена" яна не палявала - ляцела на супрацьлеглы бераг Нёмана і шукала прысаду там.

Нёман у Гродна, 04-09-2019

Аўтар - Дзьмітры Вінчэўскі