Гракі і арэхавы кругазварот

З пачаткам восені рэзка змяніліся паводзіны гракоў (Corvus frugilegus).  Не, яны, як і раней, ходзяць па скошаных і адрослых ужо газонах, але шукаюць не дажджавых чарвякоў,  лічынак насякомых ці нейкія падземныя часткі раслін.  Восень - час шукаць, есці і хаваць на будучыню грэцкія арэхі.

У  адрозненне ад шэрых варон, якія таксама збольшага шукаюць  арэхі, звычайна іх апрацоўка ў гракоў адрозніваецца. Вароны  кідаюць арэхі на плітку ці асфальт і ўжо потым дастаюць  смачнае змесціва з палавінак  ці праломаў у шкарлупіні. Гракі ж  часцей проста разбіваюць арэхі ўдарамі дзюбы.

Тое, што дзюба ў іх  мацнейшая (?) і даўжэйшая за варон, таксама дазваляе ім і хаваць арэхі іначай - бо арэхаў зараз столькі, што можна і трэба рабіць запасы. Для большай надзейнасці схованкі, птушка вырывае дзюбай ямку і амаль 'укалачвае' арэх у яе - так элімінуюцца  птушкі (вароны?) з карацейшай дзюбай, якія пад час пошукаў 'без раскопак' проста не дастануць ёй да закапанага арэха і не даведаюцца, што ён тут ляжыць:

Але праблема ў тым, што тыя самыя птушкі і прыносяць з-пад дрэваў новыя арэхі, і шукаюць па газонах чужыя схованкі)  І калі знаходзяць, могуць перахаваць  знойдзенае і побач з месцам знаходкі, і пераляцець з  арэхам на новае месца. Таму арэхавы кругазварот яшчэ доўга будзе працягвацца, а  той самы арэх можа вандраваць  на кіламетры і 'мае магчымасць' так і не  быць з'едзеным. Пэўна невялікую, але мае)

22.09- 06.10.2021, Гродна

Аўтар - Дзьмітры Вінчэўскі