Малады шуляк-галубятнік

 Патэлефанаваў сябра, і сказаў: "Што нейкая драпежная птушка сядзіць каля іх дома, і падобна на сокала ці арла". У мяне адразу з'явілася думка, што гэта можа быць пустальга, ды і не далёка ад тога месца было знойдзена іх гняздо, але мяне чакала прыемнае расчараванне. Каля 9-ці паврховага дома сядзеў шуляк, а вакол яго лётала і турбавалася белая пліска.

Мы падышлі бліжэй да яго, і ён пачаў хуценька збягаць ад нас, месцамі нават трошкі падлятаў над зямлёй. Што ж, злавіць яго будзе не лёгка, але кавалак сеткі дапамог зрабіць гэта даволі хутка. І вось малады шуляк галубятнік ужо 2-і дзень жыве ў мяне. З кожным днём ён пачынае больш актыўна весці сябе, ўжо з задавальненнем праглынае мяса. Са скрыні ён ўжо перабраўся на балкон. 

Падкажыце, што з ім рабіць далей і як правільна за ім даглядаць?

п.с. Супадзенне? Праз пару гадзін як я прынёс шуляка ў кватэру, ад нас зляцеў наш хвалісты папугай.