Малыя лебедзі (Cygnus columbianus) першага году жыцця пасля таго, як па нейкай прычыне страцілі дагляд бацькоў, мелі большую смяротнасць або пачыналі вясновую міграцыю значна пазней за маладых птушак з ‘нармальных’ сем’яў.
Вялікая каманда даследчыкаў з Нідэрландаў, ЗША і Германіі з дапамогай GPS перадатчыкаў адсочвала перамяшчэнні 55 малых лебедзяў з 12 поўных сямейных груп, роднасныя адносіны ўнутры якіх вызначылі з дапамогай аналізу ДНК.
Малыя лебедзі гняздуюць у тундры расійскай Арктыкі, пасля яго частка ляціць на зімоўку ў Нідэрланды і суседнія краіны Заходняй Еўропы. Звычайна сем’і з птушанятамі застаюцца разам як мінімум да пераадолення птушкамі паловы міграцыйнага шляху наступнай вясной.
Тым не менш, 10 з 24 птушанят пад час зімоўкі страцілі кантакт са сваімі бацькамі. У большасці выпадкаў прычынай гэтага стала турбаванне птушак пад час харчавання і адпачынку, уключна з правядзеннем паляванняў на трэрыторыі прыродных рэзерватаў. Па выніках календарнага году як адзін з самых важных вынікаў выжывальнасць застаўленых без нагляду бацькоў птушанят склала 40%, тады як у тых, што заставаліся ў сям’і, яна была 86%. Тыя ж птушаняты, што выжылі без бацькоў, пачыналі сваю вясновую міграцыю на месяц пазней за тых, што былі пад наглядам бацькоў, прычым некаторыя лебедзі з першай групы загінулі як раз пад час вясновай міграцыі.
Адзін з птушанят, маці якога была застрэлена, паляцеў у Вялікабрытанію, дзе далучыўся да іншай сям’і перш, чым пачаць вясной міграцыю самастойна. Пазней ён далучыўся ў месцах гнездавання да свайго бацькі і пражыў мінімум 5 гадоў.
Крыніца: Linssen H. et al. 2026. Family life is critical for migration and survival in a long-lived social bird. Behavioral Ecology and Sociobiology. DOI: 10.1007/s00265-026-03787-5
Паводле www.birdguides.com падрыхтаваў Дзьмітры Вінчэўскі
Здымак яго ж
На гэтую тэму:
За 25 гадоў колькасць малых лебедзяў на зімоўцы ў Еўропе зменшылася напалову
Дзе канкрэтна ім зімаваць малыя лебедзі выбіраюць на аснове надвор’я пад час міграцыі
Усё менш малых лебедзяў зімуе ў Брытаніі, усё больш - у Заходняй Еўропе
Больш частыя сустрэчы малых лебедзей у Беларусі – вынік утварэння новых месцаў зімоўкі?
Месцы зімовак малых лебедзяў з Ямала- нечаканыя вынікі
Усё менш малых лебедзяў зімуюць у Вялікабрытаніі і Ірландыі
Малых лебедзяў стала мала
Германія – новае важнае месца зімоўкі малых лебедзяў
- Увайдзіце ці зарэгіструйцеся каб пакідаць каментары.
КАМЕНТАРЫ