Запрашаем сябраў АПБ і ўсіх аматараў назіранняў за птушкамі прыняць удзел у чарговым з’езде АПБ, які адбудзецца ў суботу, 29 студзеня 2011 г. у будынку РЭЦДзЮ (500 м ад ст.м. Маскоўская).
г.Мінск, вул. Макаёнка, 8, актавая зала
Праграма
9.00 – 11.00 Рэгістрацыя ўдзельнікаў
У холе РЭЦДзЮ можна будзе працягнуць сяброўства на 2011 год, атрымаць не атрыманыя за 2010 год сяброўскія матэрыялы, паглядзець выставы і інфастэнды, паразмаўляць з сябрамі і знаёмымі.
11.00 – 11.30 Адкрыццё з'езду, прывітальныя словы.
11.30 – 12.00 Прадстаўленне Птушкі 2011 году - вялікага кулёна.
12.00 – 12.30 Справаздача Старшыні АПБ, бухгалтара і Рэвізійнай камісіі
12.30 – 13.00 Справаздача дзейнасці АПБ за 2010 і план на 2011 год - дырэктар АПБ В.Фянчук
13.00 – 13.30 Прадстаўленне кандыдатаў на пасаду Старшыні АПБ, сябраў Цэнтральнага Савету, Рэвізійнай камісіі
Выбары
13.30 – 15.00 Абед.
15.00 – 15.10 Абвяшчэнне вынікаў выбараў
15.10 – 15.40 Узнагароджанне пераможцаў і прызёраў конкурсаў АПБ
15.40 – 17.40 Навукова-папулярныя даклады:
Глабальна пагражаемыя віды птушак Беларусі - пра што сведчаць вынікі шматгадовых улікаў? - Уладзімір Малашэвіч, Валерый Дамброўскі
Уэб-трансляцыя з гнязда пустальгі ў Брэсце і Гродна. Як гэта было і што там было? - Яўген Сліж
Птушка – сымбаль г. Віцебску. Вынікі рэалізацыі міні-праекту АПБ - Галіна Захарава
Радыёсачэнне за глушцом. Вынікі - Дзьмітры Шамовіч
Праект «Зялёные школы» - Аляксандр Вінчэўскі
Дапамога пустальзе - Птушцы 2010 году - ў Баранавічах - Юлія Траццяк
Дзейнасць Брэсцкага абласнога аддзялення АПБ ў 2010 годзе - прадстаўнік аддзялення
17.40 – 18.00 Прыняццё Рэзалюцыі і закрыццё з'езду
19.00 Урачыстая вячэра
У праграме магчымыя змены - сачыце на нашым сайце
Пасля З’езду адбудзецца ўрачыстая вячэра (для сябраў АПБ, якім споўнілася 18 год і старэйшым).
Таксама ёсць магчымасць пражывання ў гасцініцы РЭЦДзЮ.
Кошт квітка на вячэру - 40 000 руб.
Кошт аднаго месца ў гасцініцы – 16 000 руб.
• Калі Вы плануеце прыняць удзел ва ўрачыстай вячэры, альбо маеце патрэбу ў гасцініцы, паведаміце пра гэта ў сакратарыят АПБ да 15 студзеня.
• Для вегетарыянцаў і алергікаў можа быць замоўлена адмысловая ежа на ўрачыстую вячэру - звяртайцеся загадзя!
Тэл. (017) 263-06-13
(029) 101-68-87 (velcom)
(029) 223-06-13 (МТС)
E-mail: tsikhno@ptushki.org
Здымак сябраў АПБ Леаніда Шчаглова
- Увайдзіце ці зарэгіструйцеся каб пакідаць каментары.
КАМЕНТАРЫ