Круцігалоўка прыляцела!

Сёння пашанцавала ў цэнтры гораду выпадкова  ўбачыць самага дзіўнага і скрытнага нашага дзятла - круцігалоўку (Jynx torquilla).

Увечары я заняў сваю пазіцыю у будынкаў былога Гродзенскага бровара і глядзеў дзе і што пералятае ці рухаецца навокал. І тут заўважыў, што нешта варухнулася сярод галінак амерыканскага клёна. Навёў туды камеру і ..  не паверыў вачам!

Сярод іх і кветак ціхенька сядзела круцігалоўка!

Варта сказаць, што месца яна выбрала для адпачынку выдатнае і каб не яе рух, я б яе не заўважыў бы.

Гэта значыць, што праз некалькі дзён мы пачуем крыкі сокала-пустальгі ў старых яблыневых садах і парках - там,дзе іх быць не павінна. А крычаць будзе .. круцігалоўка!  Гэта так яе самцы пазначаюць свае тэрыторыі. 

Вітаем на Радзіме!

12-04-2020, Гродна

Аўтар - Дзьмітры Вінчэўскі