Першы дзень EuroBirdwatch - 2010 у Горадні

Сонечная пагода і яркія колеры восені сабралі ў парку імя Ж.Э.Жылібера шмат шпацыруючых. Найбольш было дзетак з мамамі, татамі і бабулямі. Як заўсёды, былі вясельныя групы, якія чамусьці было цяжэй ўгаварыць паглядзецьу трубы-біноклі, чым у мінулыя гады, ну і турысты: з Салігорску, Віцкебску і Масквы, якія таксама завіталі да нашай групы глянуць на фотавыставу "Нашы птушкі" і на жывых птушак у Гараднічанцы і яе навакольлі.

Усяго за 4 гадзіны з 13.00 да 16.00 прыняло ўдзел у Назіраньнях 94 дзетак і 99 (+9 нас) дарослых. Разам 202 чалавекі. Здымала нас для навін і ОНТ - абяцалі паказаць у нядзелю, ў 16:00.

Птушак таксама было шмат:

Качка-крыжанка - 44

Малы дзяцел - 1

Шпак - 30

Грак - 6

Шэрая варона - 3

Сініца-апалоўнік - 12

Сойка -3

Вялікі дзяцел - 1

Шызы голуб - 14

Зелянушка -5

Каўка - 2

Гусі сп. - 160+40+46+8= 254

Дрозд-піскун - 3

Палявы верабей -4

Дамовы верабей - 6

Вялікая сініца -5

Акрамя гэтых птушак над самым цэнтрам гораду за 10 хвілін да пачатку Дзяніс Т. зьвярнуў нашу ўвагу на крыкі жураўлёў. Убачыць іх мы не змаглі, аднак са здзіўленьнем выразна пачулі.