Лавіся птушка вялікая і малая

   Апошнія тры ночы правёў не ў горадзе за кампутарам, а ў полі непадалёку ад Абухава, ды і не проста правеў сузіраючы зорнае неба і ўдыхаючы чыстае паветра, а лавіў птушак. “Лавіць птушак” – гэта кодавая назова, якая заключае ў сабе адлоў з дапамогай сетак кулікоў і іх кальцаванне. Асноўная мэта - гэта вывучэнне міграцыі гэтых цікавых птушак. Як пісалася раней, не так даўно знайшлі цікавае месца недалёка ад Абухава, дзе канцэнтруюцца кулікі, ды і не яны адныя, як высветлілася, і з тых часоў мне хацелася прыехаць сюды і паспрабаваць палавіць. З наступленнем цёплых дзён маё жаданне здзейснілася. 

  Мясціна прадстаўляе сабой поле з некалькімі калюжынамі, якія па сваёй прыродзе вельмі нагадваюць натуральныя, таму вельмі прыдатныя птушкам для спыннення падчас міграцыі. Адна з іх ўвогуле нагадвае кавалачак луга, які ўжо шмат гадоў не выкрыстоўваўся для пасеваў, вось тут мы і размясцілі своё намёт. Сеткі ставілі на суседняй калюжыне. Па методыцы, трэба іх правяраць кожныя 2 гадзіны. Прыгажосць ў тым, што ты бачыш\пражываеш усе стадыя ночы: вось сонца толькі села, глыбокая ноч, толькі толькі ўзышло сонейка. 
  Трошкі вынікаў: У першую ноч злапалі 6 куліка-цякуна. На наступную патрапілася ўжо 4 куліка-цякуна, 3 куліка-селянца, 4 самкі баталёна, 1 бакаса і чырвонавалёвік. Падчас апошняй ночы ў нашыя сеткі патрапіліся 2 куліка-цякуна, 3 самкі баталёна, 2 малых зуйка, 1 бакас і кулік-перавозчык.
  Агулам атрымалася злапаць 28 птушак, што вельмі не блага. Таксама цікава адзначыць, што некаторыя птушкі былі з вялікімі тлушчавымі адкладамі, што свдчыць, што яны хутка ўжо зляцяць, а вось бакасы зусім іх не маюць, таму напэўна харчавацца на гэтых калюжынах будуць яшчэ не адзін тыдзень.
  П.С. Дарэчы, планую працягнуць адловы з суботы, таму шчыра запрашаю цікаўных далучыцца да іх. Акрамя невялічкай працы вы атрымаеце шмат станоўчых эмоцый ад праведзенай ночы на прыродзе.