Першыя відэа з гнязда пустальгі на касьцёле ў Гродна: 05-04-2011/ The first video from future nest of Kestrels in Hrodna

 Як і ў мінулым годзе, мы маем цяпер магчымасьць сачыць за жыцьцём сокалаў-пестэльгаў, якія пачынаюць будаваць гняздо за статуяй Сьвятой Алены на Бернардынскім касьцёле ў цэнтры Гродна.

Адбываецца гэта дзякуючы ласкавай згодзе ксяндза-пробашча а. Антонія Ханько і дапамозе ксяндза а. Яўгена Барысюка. Пробашч наавт пагадзіўся - калі спатрэбіцца - адкласьці рэмонт статуі апякункі сакалінага гнязда - Сьвятой Алены - да моманту выляту з гнязда птушанятаў. Нагадаю, што ў мінулым годзе з яго вылецелі 6 сакалятаў.

Сёньня ўпершыню атрымался ўбачыць і запісаць самца Стэфана і самку Алену на будучым гняздзе - самка больш упарадкавала - але неяк даволі хаатычна - месца вакол гнездавой ямкі, самец жа прысядаў у яе і стаскваў больш прыкметныя кавалкі на яе край.

былі яны абодва на гняздзе лічаныя хвіліны.

Аднак самі паглядзіце першыя відэа з будучага гнязда, якія мы запісалі ў гэтым годзе:

 

 

 

На здымках:

як усталёўвалі камеру ў гэтым годзе + прыкладны выгляд горада амаль з гнязда 

 

Фотаздымкі

Каментары

Толькі што патэлефанаваў Дзіма Харковіч, які цяпер служыць у беларускім войску ў Менску.

Ён прапануе менскім бёдуотчарам ды фатографам паглядзець на пару пустальгі, якая будуе гняздо на цементным заводзе ў м-не Шабаны на вул.Сіліцкага. Ён цяпер назірае за імі - лятаюць на вышыні м 10-15 - як раз здымаць.