Галубевод за атручванне сокала-падарожніка трапіць у турму

Суд горада Dielsdorf (недалёка ад Цюрыха, Швайцарыя), прызнаў мужчыну віноўным у шматлікіх выпадках жорсткага абыходжання з жывёламі пасля таго, як была даказана яго віна ў спецыяльным атручванні голуба для таго, каб забіць з яго дапамогай драпежную птушку. Гэта першы падобны прысуд з рэальным турэмным тэрмінам за атручванне драпежнай птушкі ў Швайцарыі і прыродаахоўныя арганізацыі маюць надзею, што гэты прыклад дапаможа прыпыніць хвалю падобных злачынстваў.

42-х гадовы швайцарац быў арыштаваны пасля таго, як у жніўні 2015 году выкарыстаў забаронены і нелегальна завезены ў краіну пестыцыд і ўвёў яго ў аднаго са сваіх 200 галубоў, пасля чаго выпусціў таго з галубятні лятаць. Як ён і планаваў, голуб быў злапаны і з’едзены сокалам-падарожнікам (Falco peregrinus), пасля чаго хутка памёр ад атруты.

Паводле паведaмленняў мясцовай прэсы, швайцарац быў чальцом групы галубеводаў, якія праводзілі спаборніцтвы на найдаўжэйшае знаходжанне (завісанне) галубоў у паветры на грошы.

Негледзячы на апраўданні, агучаныя адвакатам, пра неабходнасць абароны галубоў, суд прысудзіў галубевода да 11 месяцаў турэмнага зняволення і штрафу 4 тысячы швайцарскіх франкаў.

Партнёр асацыяцыі BirdLife у Швайцарыі, арганізацыя SVS, працуе над тым, каб раскрываць забойствы сакалоў у Цюрыху. З гэтай мэтай у многіх месцах былі ўсталяваныя он-лайн камеры, адна з якіх і паказала як пасля спажывання атручанага галуба сокал памёр.

Хіста Граўзэр (Chista Glauser), намесніца дырэктара SVS, сказала: "Атручванне сокалаў-падарожнікаў, якія размнажаюцца параўнальна няхутка – наша праблема некалькі апошніх гадоў. У некаторых нашых гарадах папуляцыя гэтых прыгожых птушак скарацілася прыкладна напалову”. Таму таварыства вітала судовы вырак і выказвае надзею на тое, што ён паслужыць перасцярогай іншым галубеводам.

Паводле www.ibtimes.co.uk падрыхтаваў Дзьмітры Вінчэўскі

Здымак маладога сокала-падарожніка з www.nathistoc.bio.uci.edu

На гэтую тэму:

Калекцыянер птушыных яек не зможа шкодзіць птушкам бліжэйшыя 10 год

У Брытаніі асуджаны калекцыянер яек - рэцыдывіст

У Польшчы застрэлены малады чэшскі арол-маркут

6 асуджаных за смерць свіргулёў

Замураваныя свіргулі – фінал судовага працэсу ў Лодзі

Свіргулі пад аховай закону – працэс у Лодзі

Першы абвінаваўчы прысуд супраць фермы ветракоў