Мы далучыліся да TOP 500 Birding Websites

27.05.2009 - 01:41 | Kiolk

    Сёння наш сайт далучыўся да рэйтынгу лепшых сайтаў прысвечаных птушкам у сусветнай павуціне. Дадзены рэйтынг праводзіцца на адмысловым сайце TOP 500 Birding Websites. Вызначаецца месца ў рэйтынгу ў адпаведнасці з колькасцю наведванняў сайта, пры гэтым па кожным сайце існуе даволі поўная статыстыка наведванняў, за апошні тыдзень, месяц, год і агульная. 

    На момант далучэння мы не аказаліся апошнімі, а ўвайшлі ў 1000, заняўшы 960 месца. Прааналізаваўшы бліжэйшых суседзяў, можна сказаць, што большасць іх складаюць памерлыя ці зусім не актуальныя сайты, з адзінкавай наведвальнасцю. Таму можна прагназаваць у бліжэйшы час падвышэнне нашага рэйтынгу, але ўсё залежыць толькі ад вашай актыўнасці.

    У 50 найбольш наведваемых сайтаў увайшло некалькі сайтаў з онлайн-трансляцыяй птушак, што і абумоўлівае іх папулярнасць, таксама ў гэтую групу патрапілі некалькі сайтаў прысвечаных птушкам пэўных краін, але найбольш райтэнговымі з'яўляюцца фотасайты і спецыялізаваныя рэсурсы (вызначальнікі і інш.). Трэба таксама адзначыць, што далёка не ўсе сайты прысвечаныя птушкам удзельнічаюць у гэтым рэйтынгу. 

Comments

не плохо было бы и на русском- россияне заходили б хоть, а так кому хочется язык ломать или предполагать что это слово значит.

выбор за вами. или на родном для узкого круга, или на русском (которым, кстати, с лёгкостью владеют все) для большинства. 

 Згодзен, што расейская мова пашырыць кола наведвальнікаў. Гэта цікавая праблема і яна патрабуе адпаведнага рашэння. Як бачу, расейская версія сайта можа з'явіцца разам з ангельскай і па сваёй сутнасці, яна будзе дубляваць той матэр'ял, які прадстаўлены на ангельскай. Але ўсе гэта з'явіцца не раней за той час калі ўсё на сайце будзе наладжана і будуць задзейнічаны ўсе рэгіёны...

 Пакуль яшчэ не зразумеў, які паказчык вызначае месца ў рэйтынгу, але падаецца, што сярэдні паказчык унікальных наведвальнікаў за 10 дзён, а так як ў нас за 9 дзён стаяць 0 то і сярэдні паказчык зніжаны, таму рэйтынг будзе падвышацца напрацягу гэтых 10 дзён і па маіх разліках, мы трывала павінны будзем патрапіць у 300...

Але не гэта самае галоўнае....

Адзін наш агульны знаёмы заўважыў наступную тэндэнцыю:

паглядзеў ТОП500, у №500 12 наведвальнікаў у дзень, у №100 - 143, цалкам
мажліва папасць у 100.

Не ведаю, ці ў Беларусі ёсьць столькі бёдуотчараў, ды яшчэ з мажлівасьцю штодзённа заходзіць на наш сайт.:)

Калі б назіраньні з Клубу200 пераехалі сюды, можна было б іх зьмест даваць па-беларуску, па-расейску і па-ангельску.

Цікава, пішу гэтыя радкі, а лічыльнік зьмяняецца - вось у 23:53 мы ўжо на 700-м месцы!

новые наблюдения в клуб200 поступают не часто, так что этим врядли мы кого-то со стороны заинтересуем.

а на счёт белорусских бёдуотчеров- почему они должны быть именно белорусскими? не думаю, что патриотизм и любовь к родному языку так важны для этого сайта. казахи, украинцы, даже латыши делают свои сайты с русским языком, чтобы привлечь больше пользователей.   

Ангельцы робяць свае сайты на роднай, расейцы таксама, а чаму мы не можам...

Мне падаецца, што і ў казахаў, латышоў ды ўкраінцаў ёсць сайты на роднай мове...

Дарэчы, у вышэйшых каментарах нідзе не гучала пра патрыятызм, ды любові да роднай мове, таму гэткімі катэгорыямі, я думаю не мае сэнсу размаўляць...

Чаму беларуская ў нас пераважае, таму што большасці зручней пісаць менавіта на ёй...

Прыгэтым, яна надае нашаму сайту разынку, робіць яго непаўторным, сярод шэрагу рускамоўных сайтаў беларускага нэту. 

Пры гэтым, у нас няма абмяжаванняў на якой мове выказваць думкі...

Мне падаецца, лепшае выйсце ў гэтым выпадку, гэта стварэнне расейскай і ангельскай версіі...

З ростам колькасьці сябраў Клубу200 будзе павялічвацца і колькасьць цікавых рэгістрацый, і іх геаграфія. Думаю, што менавіта рэгістрацыі "рэдкасьцяў" могуць прыцягнуць увагу іншаземцаў. Як расіян, так і эўрапейцаў.

Добрыя здымкі таксама - але для іх подпісы амаль не важныя. Што яшчэ павінна быць на розных мовах- сказаць цяжка.

Галоўная наша мэта не казахам ці нават латышам паказаць як прыгожы і цікавы птушкі і назіраньні за імі, а нашым суседзям. Можа не ў прамым сэнсе па дому, але недзе паблізу. І калі чалавек зможа далучыцца да нашай экскурсіі і пачне "расьці" - можна радавацца, што мэта дасягнута. А калі чалавек зацікавіцца птушкамі, яму лягчэй зразумець неабходнасьць іх аховы і захаваньня тых месцаў, дзе яны жывуць.

Калі ж думаць пра рэйтынг ды наведвальнікаў з-замежжа, трэба найперш перакладчыка на кітайскую шукаць.:)

ну, хорошо. главная идея сайта конечно не в этом. 

 зачем же нам тогда вообще рейтинг? чтобы лишний раз показать, что мы на 500-700 месте. чего радоваться, что мы с 900 поднялись за день на 700, а потом ещё вырастем, но в то же время все понимаем, что выше головы не прыгнешь, и мы будем где-то в хвосте, потому что сами этому способствуем.

 Калі галоўная мэта не ў гэтым, дык ніякі рэйтынг ёй не перашкодзіць. Якое мы месца займаем, гэта не сутнасць важна, я думаю ў каментах да гэтай навіны можна трошкі парадвацца, як паўзе гэты лічыльнік, але не будзем на ім зацыклівацца, яшчэ не дай божа пачнем пісаць навіны: "мы патрапілі ў сотню" ды іншую лухту. Самы вялікі "+" гэтага лічыльніка магчымасць параўнаць сваю працу, з працай іншых сайтаў, ды і простае наведванне ды іншую інфу...

 

Любы рэйтынг - гэта па-першае, спаборніцтва - а яно мабілізуе рабіць больш і лепш. Па-другое - ён паказвае наша больш-менш сапраўднае месца ў рэальным сьвеце. Дзе ў іншых краінах мільёны бёдуотчараў, а ў нас добра калі сотня. Але адкуль іх узяць? З Расеі і Казахстану ці сваім людзям паказваць уласным прыкладам як цікава і прыгожа можа быць з біноклем, трубой ды камерай на прыродзе?

 Станоўчыя эмоцыя станоўча ўздзейнічаюць на арганізм (фізіялогія), нармальная праява чалавечай псіхалогіі, мне таксама было прыемна бачыць змены. Гэта прыцягвае, як малых дзетак новыя цацкі, праз месяц, ніхто і ўвагі не будзе звяртаць...

Здаецца адказаў на пастаўленныя пытанні...

эмоции- это понятно, не в них дело. перевод на английский для кого? для своих людей?

 сваім людзям паказваць уласным прыкладам як цікава і прыгожа можа быць з біноклем, трубой ды камерай на прыродзе?

 Перакладаць на ангельскую, тое самае, што і пісаць па расейску, каб нашыя суседзі маглі завітаць на наш сайт... Але ў бліжэйшы час пра гэта не ідзе справа, зараз першапачатковая мэта гэта стала і якасна запрацаваць, таму давайце сканцантруем сваю ўвагу...

Што ж, дабранач усім...

І сваім людзям таксама - бо калі замежнікі цікавяцца як і каго адзначаюць у Беларусі, дык і рэйтынг бёдуотчынгу ў іх (і нашых вачах) падымаецца. У Тураве, напрыклад, ведаюць, што бёдуотчары застаўляюць рэальныя грошы - жывуць па хатах і ў мясцовых крамах шмат што купляюць. Тыя ж заходнія бёдуотчары падтрымлівалі і падтрымліваюць нас і разьвіцьцё бёдуотчу ў Беларусі - і ідэямі, і матэрыяльна. Чаму б нам не паказаць для іх як і што атрымліваецца? Расея не адзінае замежжа, да таго ж колькасьць бёдуотчараў там (на жаль) не будзе большым за Польшчу. Што ўжо казаць пра параўнаньне са скандынавамі ці брытанцамі...

это верно, но для этого мы и спорим, чтобы заработать сразу качественно, не внося потом значительных поправок. вдруг, сейчас придём к выводу, что сайт должен быть англоязычным? надо выслушать все мнения и сделать правильные выводы.

Так, бо менавіта рэгістрацыі "рэдкасьцяў" іх найбольш цікавяць - выявілася гэта з размоваў з імі. Ну і здымкі птушак (асабліва калі яны такой якасьці, як робіць адзін наш агульны знаёмы :)), канешне таксама!

цікава як яны гэта аргументавалі... што можа быць незразумелым на сайце беларусам... зрэшты і не беларусам усё павінна быць зразумела - тут жа два тыкі на ўсё пра ўсё... Адна менюшка, пара блокаў - усё...