Дапамажыце прыпыніць масавае знішчэнне птушак у Ліване! - aсцярожна, шакуючыя здымкі.

Хаця афіцыйна паляванне ў Ліване забаронена з 1995 г. адмысловым законам, які працягвае дэ-юрэ дзейнічаць, аднак закон фактычна не працуе і браканьеры страляюць ва ўсё, што рухаецца.

У 2004 годзе быў узгоднены новы закон аб паляваннях, аднак ён такі не быў прыняты парламентам. У гэтай блізкаўсходняй краіне ёсць і адказныя паляўнічыя, аднак менавіта мноства браканьераў ствараюць Лівану жахлівую рэпутацыю разам з Кіпрам і Мальтай. Усё часцей раздаюцца галасы за легалізацыю паляванняў на птушак, якое, аднак, павінна быць абмежаванае па тэрмінах і відах.

Нават па афіцыйных дадзеных Міністэрства навакольнага асяроддзя Лівану, ў пачатку 2000-х гадоў нелегальнае знішчэнне тут птушак набыло сапраўды індустрыяльныя маштабы – пад час міграцыі тут забіваюць каля мільёну птушак штогод!

З-за геаграфічных асаблівасцяў, Ліван ляжыць у вузкім пралётным карыдоры для многіх відаў птушак, якія ляцяць праз Чырвонае мора ў Афрыку ці з месцаў зімоўкі ў Еўропу. Асабліва важны гэты шлях над сушай для амаль 40 відаў вялікіх птушак, якія пад час міграцыі выкарыстоўваюць лунаючы палёт. Гэта буслы, пеліканы, журавы і многія драпежныя птушкі.