Самцы ў рэмезаў лепшыя бацькі, чым самкі?

Як было паказана для некаторых відаў птушак, кандыцыя птушанят перад вылетам з гнязда можа моцна ўплываць на яго далейшы лёс: напрыклад, на выжыванне ці поспех гнездавання.  У рэмезаў (Remiz pendulinus) знойдзена ўнікальная сярод птушак сістэма размнажэння: самец або самка перад самым пачаткам інкубацыі кідаюць гняздо, таму і яйкі, і потым птушанят даглядае заўсёды толькі адзін з бацькоў. Параўнальна часта абодва з бацькоў кідаюць кладкі (у 30-40% выпадкаў гнездавання!). Каго ж можна лічыць лепшымі бацькамі: самцоў ці самак?

Акрамя кандыцыі птушанят, таксама даследавалася захаванне пазасталых на гняздзе бацькоў пад час гнездавання (інтэнсіўнасць інкубацыі і кармлення птушанят) і тэмпература ў гняздзе падчас інкубацыі.

Велічыня кладкі і колькасць птушанят былі большымі на гнёздах, у якіх заставаліся самкі. Аднак інтэнсіўнасць інкубацыі як і тэмпература ў гняздзе пад час яе не адрозніваліся паміж гнёздамі , за якімі даглядалі самцы ці самкі.  

Самцы часцей прыносілі корм птушанятам на “сваіх” гнёздах і, ў выніку, птушаняты з такіх вывадкаў былі ў лепшай кандыцыі, чым з гнёздаў самак. На 13 дзень жыцця (перад вылетам з гнязда)  птушаняты з вывадкаў, якія даглядалі самцы, мелі выразны большую канцэнтрацыю гемаглабіну ў крыві, большы індэкс масы цела. Доўгатэрміновыя паследствы гэтага для птушанят з абодвух групаў яшчэ невядомыя.

Крыніца:

B.Czyž, A.Wasińska, R. Pawliczko (2015) Czy samce Remiza Remiz pendulinus są lepszymi rodzicami niž samice? Badania nad kondycją piskląt. XXI zjazdz POLSKIEGO TOWARZYSTWA ZOOLOGICZNEGO,  Zielona Góra, 11-13.09.2015. Abstrakty, s. 80

Падрыхтаваў Дзьмітры Вінчэўскі

Фота Мікалая Гулінскага

На гэтую тэму:

Стратэгія размнажэння – першым кінуць сваё гняздо

Старыя самкі сініц горшыя?

Даказана: самкі вялікіх сініц маюць лепшую памяць, чым самцы

Разумнейшыя самцы птушак маюць больш шанцаў у самак