Сокал-пустальга on-line 2013: Гродна, Беларусь

Храналогія  вылуплення птушанят
           
           
  1.30.05

 

 2.30.05

 

 3.31.05

 

 4.01.06

 

5. 02.06

 

 6.  

 

Comments

Ананім (госць) - 29.05.2013 - 14:38

Можа камеру крыху падраўняць? Таксама лепш дадаць агульнага плану, а то занадта блізка камера паказвае. У Брэсце камера лепш замацавана. Ёсць і дальні план, і гняздо паказваецца з лепшага ракурсу. Можа ў Гродне абставіны так зрабіць не дазваляюць.

 Зараз мы толькі тэсціруем. Камеру у любым выпадку падраўняем. На конт ракурсу. Камера накіравана на гнездавую скрыню. У дадзеным выпадку выгляд зверху - самы аптымальны ракурс. Дальні план тут ніяк не атрымаецца.

Владиславовна (госць) - 02.06.2013 - 20:43

In reply to by Blackbird

Спасибо за ваш труд..На следующий год наверно-будет лучше.А так много соколов в городе-не навредит мелким певчим птичкам?Ведь они тоже-корм для соколов?Может пора молодых отлавливать и в других городах отпускать?

Harrier - 02.06.2013 - 21:02

In reply to by Владиславовна (госць)

 Дзякуй за добрыя словы! Я таксама спадзяюся, што з трансляцыяй будзе лепш, але яшчэ на гэтым тыдні.

Наконт колькасці сокалаў і дробных птушак. На сёньня мы ведаем пра 22 гнязда ў горадзе (разам з тэрыторыяй ВА ГроднаАзот). Нашы сокалы амаль не палююць у горадзе, дзе, канешне, лягчэй злапаць птушак, чым грызуноў. Але нават каб і палявалі - для дзесяткаў тысяч вераб'іных птушак - патэнцыйных ахвяр розных відаў - гэтыя паляванні не нясуць пагрозы ні як для гарадзкіх папуляцый, ні тым больш як відаў. І гэта галоўнае. Нават калі загінуць асобныя птушкі як ахвяры сакалоў - ГЭТА НАРМАЛЬНА, бо без прыродных драпежнікаў існаванне птушак было б пад пагрозай. 

Наконт адлову і перасялення маладых птушак. Рабіць гэта людзям зусім не мае сэнсу. Бо птушкі здольныя перасяляцца туды, дзе найлепш, самастойна - бо маюць крылы і не патрабуць віз для перасячэння межаў. Тым больш гэта адносіцца да маладых птушак, якія пакуль не маюць уласных тэрыторый у горадзе. 

Пастараюся сёння дапісаць і размясціць матэрыял пра адзін з такіх выпадкаў, які датычыць маладой пустальгі з Гродна.

 

 Пэўна ў гэты час самец прынёс самцы спажыву. І пакуль яна сілкавалася, вырашыў хоць трошкі дапамагчы ў нялёгкай працы па наседжванні яек. Дарэчы, заўважыў што ён заўсёды стараецца ў такія моманты падмяняць самку. Вось напрыклад яшчэ адзін здымак з раніцы:

 Малайцы!

Я б камеру не перасоўваў - хутка пачнуць вылупляцца птушаняты і самка будзе бачна цалкам толькі тады, калі камера будзе накіравана такім чынам, як цяпер. Зразумела, што ракурс зверху не самы лепшы, але ў гэтым выпадку з гнездавой скрыняй гэта аптымальны варыянт. За тое гук павінен быць:)

З начной трансляцыяй камера спраўляецца не вельмі - рэзкасці яўна не хапае:

Ананім (госць) - 30.05.2013 - 22:38

Два вопроса по технической части: 1. На видео есть крутилка звука, но самого звука я не слышу. У вас камера выдаёт звук или нет? 2. Какая модель камеры работает в Гродно? Если не можете сказать точное название, то хотя бы расскажите кто производитель. Интересуюсь с той целью, чтобы самому случайно не купить, т.к. ночью она показывает просто отвратительно. Хотя может просто инфракрасный прожектор слишком мощный для такой дистанции и можно еще чего-то покрутить.

Harrier - 30.05.2013 - 23:36

In reply to by Ананім (госць)

 Гук пакуль адключаны, камера ўспрымае і перадае гук. Ён будзе ўключаны ў суботу-нядзелю - калі нічога ў планах не зменіцца. Адлегласць да птушак і сапраўды замалая. Прычына - гнездавая скрыня, камера стаіць над ёй - таму і ракурс не вельмі добры. Але сёлета нічога зьмяніць, на жаль не атрымаецца.

Камера кампаніі D-Link.

Мы даволі працяглы час шукалі адпаведную камеру з бесперапынным патокам відэа на сервер, гукам, якасцю карцінкі (больш на будучыню, чым на цяпер) і адпаведным коштам. Гэта - пакуль найлепшы варыянт. 

Harrier - 01.06.2013 - 11:00

In reply to by Ананім (госць)

 2Ананім - дзякуй за пільнасьць! Калі атрымаецца зрабіць гэта на адлегласьці - памяняем. Не думаю, што нехта жыве па даце на камеры - нават сокалы :)

Цікава, што ананімы нічога не пішуць пра свае ўражаньні ад жыцьця птушак. Нічога (цікавага) не бачым?

Harrier - 01.06.2013 - 17:22

In reply to by Дзед Піхто (госць)

 Палова шкарлупіньня ляжыць у центры скрыні. Але ці ад пятага малога яна?

Камера спаўзла і паказвае толькі палову самкі - спадзяюся, што лепшую:)

Да панядзелка прыйдзецца глядзець на яе.

Tanya (госць) - 03.06.2013 - 14:35

не склалася неяк у мяне з назіраннем за гарадзенскімі сокаламі- мо інтэрнэт завольны? ці мо карыстальніку тутай больш?:( рэдка калі атрымліваецца дачакацца карцінкі, з бол'шага дык квадрат Малевіча але дзякуйза здымкі

 Самец прынёс на гняздо мыш. Адно з птушанят выхапіла ад яго ўсю здабычу цалкам. Але расправіцца з ёю, ня гледзечы на ўпартыя спробы, не атрымалася. Самец толькі паглядзеў на гэта, але разрываць здабычу і карміць птушанят не стаў і хутка пакінуў гняздо. Відаць паспадзяваўся, што птушаняты самі справяцца...

Цікава, але тактыка кармлення птушанят у самца і самкі адрозніваюцца.

Самец заўсёды стараецца трымацца перад птушанятамі па цэнтры гнездавой скрыні.

Самка звычайна заходзіць з правага боку ад птушанят.

 Самка прынесла на гняздо нейкую дробную вераб'іную птушку. На здымку ніжэй бачна нагу здабычы. Нагадвае нагу жаўрука. Адно з птушанят паспрабавала яе праглынуць, але не атрымалася. Тады самка перадала нагу другому птушаняці...

Сённяшняе кармленне.

Птушаняты растуць. Цяпер яны не проста сядзяць разам, а пачынаюць цікавіцца тым што вакол іх. Усё часцей можна заўважыць як яны перамяшчаюцца па скрыні, вывучаюць прадметы якія знаходзяцца ў ёй... 

 Звычайна птушаняты сядзяць ціха. Кожны займаецца сваёй справай. Хтосьці бессэнсоўна сноўдаецца па скрыні, хтосьці размінае крылы, на якіх толькі пачало з'яўляцца пер'е, а хтосьці ціха адпачывае. Але як толькі на гняздо паказваецца дарослая птушка са здабычай, спакой адразу кудысьці знікае...

Ананім (госць) - 26.06.2013 - 13:10

Сёння ўся кампанія з 5 птушанят атрымала на доўгую памяць металічныя кольцы. Что действительно порадовало - все целы. Не могу забыть, как 2 года назад из 5-ти осталось 2 птенца после подобной манипуляции в Бресте. Расстроились до слез. Дети-то росли у нас на глазах.

Часцей птушаняты знаходзяцца ў актыўным стане. То размінаюцца і рыхтуюцца да ўжо хуткага вылету, то напружана сядзяць у чаканні здабычы, за якую ідзе моцная канкурэнцыя. Але ўсё ж здараюцца хвіліны спакою...

 З надыходам ліпеня колькасць камер з магчымасцю назіраць за жыццём птушак он-лайн натуральным чынам змяншаецца. І не толькі ў нас.

Сябры з галандзкай Werkgroep Grauwe Kiekendief (Фундацыі поплаўнага луня) даслалі спасылку на сваю камеру, - напэўна, першую ў Свеце на гэтым відзе птушак - якая знаходзіцца недзе каля гнязда луня на полі зерневых у правінцыі Гронінген.

Цяпер на гняздзе стаіць самка і ляжаць 4 малых, узростам недзе паміж 3-7 днямі. Так што цягам бліжэйшых 25 дзён як мінімум можна будзе сачыць за жыццём гэтых птушак:

www.rtvnoord.nl/index/index.asp?q=kiekendief&show=all

 Выляцелі пустальгі і з гарадзенскага гнязда.

Дзякуем усім, хто сёлета назіраў за жыццём двух сем'яў сакалоў (упершыню он-лайн !) разам з намі.

Fledgings of Kestrel already leave their nest in Hrodna.

Thanks to everybody who observed life of falcons at both nests of Kestrels (one in Brest and one in Hrodna)!

 Дзякуючы кальцу стаў вядомы смутны лёс самага малодшага сокала з гэтага гнязда - учора Ягор Д. знайшоў яго труп прыкладна 5-7 дзённы пад лініяй электраперадачы не так далёка ад гнязда - ў 2-3 км.