Летнік "Малады бёдўочар ІІІ". Фотасправаздача.

24.08.2009 - 14:53 | Kiolk

     20-23 жніўня адбыўся ІІІ рэспубліканскі летнік “Малады бёдўочар”. Ён адбыўсяў у маляўнічым месцы каля возера Страдзечскае, што знаходзіцца непадалёку ад вёскі Медна на Берасцейшчыне. У гэтым годзе ён праходзіў пад лозунгам “ад роўнага да роўнага”, і сабраў 19 удзельнікаў з Берасцейскай, Гарадзенскай, Менскай вабласцей. Адной з асаблівасцяў летніка стала тое, што ў ролі інструктараў, якія вучылі як назіраць за птушкамі ў прыродзе, выступалі ўдзельнікі першага (2005) і другога (2006) летнікаў.  

    Увазе прапануецца фотасправаздача пра летнік. Аўтары здымкаў Раман Шкабара, Слава Астапук, Абрамчук Андрэй, Дзямешка Марына, Сымонік Алеся.

Летнік традыцыйна прайшоў у форме намётавага гарадка ў лесе і сабраў незнаёмых між сабой удзельнікаў, таму вельмі важна для паспяховай працы бло разам выпрацаваць правілы паводзін падчас летніка.
Намёт - гэта не толькі намёт, але і каманда са сваёй эмблемай. Каманда "Дзятлы", якая жыве ў дупле і ляціць па жыцці з прынцыпам:"Даўбі пакуль не надакучыць".
У самым маленькім намёце жыла самая маленькая каманда "ЮДП" (юныя даследчыкі прыроды).

Амаль менская каманда "Ducky Duck" -

Мы каманда "Ducky Duck

І жадаем усім Good luc

У намёце нас чацвёра

І настрой ва ўсіх бадзёры.

Каманда інструктароў - "Аб'ектыў". Строга, але аб'ектыўна.
Адным з мерапрыемстваў летніка стала праца па пазначэнню экалагічнага маршрута, які ствараецца ў біясферным рэзерваце "Прыбужскае Палессе" Такім знакам адзначаюцца лёгкія кавалкі маршрута, а бела-чырвона-белым - цяжкія.
Вечаровая праграма была насычана гульянмі на любы густ, што можна проста забыцца пра сон.
Летнік - гэта не толькі адпачынак на прыродзе, але яшчэ і навучанне асновам назірання за птушкамі, знаёмства з новымі відамі птушак і наведванне разнастайных біятопаў.
За час летніка было адзначана 100 відаў птушак. Адной з цікавых сустрэч, стала назіранне 2 лебедзяў-клікуноў і 5 шэрх гусей.
"Делу время, а потехе час"...
Адной з цікавых была акцыя па ўборцы смецця вакол возера Страдзечскае. Яна стала вельмі павучальна не толька для ўдзельнікаў яе (якія напэўна не будуць смеціць ў прыродзе), але адпачываючых, якія бачылі, што за імі прыбіраюць дзеці.

  П.С. Летнік праводзіўся сумесна Заходне-Палескім рэгіянальным, Берасцейскім і Гарадзенскім абластнымі аддзяленнямі АПБ у межах праэкта "Захаваем прыроду разам" пры фінансавай падтрымцы ПМГ ГЭФ, і міні-грантаў АПБ і SOF.

Comments

Сто відаў за летнік - выдатна! А найлепшым мне падаецца тое, што гідамі-інструктарамі сталі выпускнікі папярэдніх летнікаў. Малайцы - дзякуй!

Спадзяюся, што і самыя маладыя бёдуотчары не зьнікнуць і дапамогуць зацікавіцца птушкамі падрастаючым калегам, якім сёньня па 10-13 гадоў.

 "Такім знакам адзначаюцца лёгкія кавалкі маршрута, а бела-чырвона-белым - цяжкія."

   зелёно-красные - невыносимо сложные...

Згодны з вамі абодвумя: бел-чырвона-белы маршрут складаны. Але  чырвона-зялёны невысны. І што найгорш - бесперспектыўны...

Не трэба забывацца і на спонсараў, без якіх летнік проста не быў бы магчымы.

Яшчэ аб уражаньнях ад прагляду фотаздымкаў:

Толькі на двух здымках ёсьць адзеньне (2 саколкі) з выявай птушак. І гэта на тых, хто любіць назіраць птушак!.. Так што нам яшчэ працаваць і працаваць над гэтым...

Harrier - 25.08.2009 - 22:21

In reply to by АV (госць)

Ды не, мерапрыемства расейскіх калег я б назваў экскурсіяй з начоўкай, а не адукацыйным летнікам як у нас. Падобна, што іх узровень арганізацыі і правядзеньня меншы за наш. Але пачытаць-паглядзець як у іншых ніколі не зашкодзіць.