Дзятлік і туркаўка

 Здымак цікавы знаходжаннем двух відаў у адным кадры, ды яшчэ не зусім звычайным - кольчатая туркаўка і дзяцел, заняты даставаннем насення з шышкі. Вось толькі дзятла вызначыць не магу, здаецца, вялікі ці сірыйскі, але памеры не надта пасуюць. Калі ёсць іншы здымак гэтага дзятла, далучыце, калі ласка, ў каментары праз  апошнюю піктаграму з гарой і сонцам Insert/Edit image.

Вось, калі нешта дапаможа.

 ці во, але якасьць кепская

Дзякуй, другі здымак добры для вызначэння, але калі ёсць яшчэ здымкі галавы збоку, было б добра іх паглядзець.

Выглядае на тое, што гэта малады сірыйскі дзяцел (D.syriacus) - на шэрым баку добра заўважныя прадольныя цёмныя рыскі, якіх у вялікага дзятла быць не павінна, а ў сярэдняга, у якога яны ёсць, ня можа быць такога доўгага чорнага вуса на галаве. Аднак тое, што чорны бакенбард цягнецца ўверх так упэўнена, усё ж не дазваляе адназначна казаць пра сірыйскага.

тутака вызначыць дзятла на самой справе нескладана, так як насеннем з шышак прыстасаваўся жывіцца толькі адзін від

 Тады можна лічыць, што вялікі.

 Маю яшчэ толькі адзін здымак... На жаль мой здымач - толькі псэўдалюстэркавая фуджы S6500, таму якасьць ня такая й добрая...

 Часам вельмі важны менавіта момант і тое, што Вы яго заўважылі і, як можа фотаапарат, адлюстравалі, вельмі добра. Калі будзе фоцік з большымі магчымасцямі, Вы зможаце адлюстроўваць падобныя моманты яшчэ лепш. І гэта - самае важнае.