Самка гіля: баюся ці не баюся?

Амаль адразу, як мы прыехалі да поймы безіменнага ручая ў в.Дарошавічы, мы пачулі і ўбачылі дзесяткі асобін розных відаў птушак: шчыгелаў, звычайных стрынатак, розных сініц і гілей (Pyrrhula pyrrhula).

пойма

Параўнальна багатая расліннасць у самой пойме і па яе берагах дазваляе карміцца ім усім, але гілей мы чулі, але ўбачыць сярод галінак розных дрэваў доўга не маглі.

Пакуль адна з самак не села зусім адкрыта на самую вяршаліну высокага дрэўца.

птушка

Чаму яна так зрабіла, не зусім зразумела. Яна не ела пупышак вакол яе. Але метрах у 200 вышэй па плыні ручаіны палявала самка шуляка-карагольчыка. Магчыма, што самка гіля заўважыла яе і такім чынам паказвала, што падляцець да яе незаўважна не атрымаецца?

09-01-2030, Гарадзеншчына

Аўтар - Дзьмітры Вінчэўскі

https://youtu.be/NSZb1BJPHO8