Вялікі баклан: бясстрашны ці глупы?

Месца адпачынку вялікіх бакланаў (Phalacrocorax carbo) на Нёмане ў межаў заказніка "Гродзенская Свіслач"  важна для іх не толькі магчымасцб бяспечна адпачнуць. Там жа можа падбірацца пара ці адбывацца іншыя 'разборкі'. Ну і навучанне маладых адбываецца, бо 160 пар вачэй хутчэй заўважаць патэнцыйную небяспеку і ўсе змогуць загадзя адляцець.

Усе, але не ўсе! Калі я прабіраўся па яру да Нёмана недалёка ад гэтай іх 'стаянкі', усе, акрамя аднаго баклана, адляцелі і не сталі чакаць і правяраць хто там выйдзе на бераг.

А гэты малады (па светламу пузу) баклан, здавалася, не звяртаў на мяне ўвагі і я здымаў яго нават з 20 метраў. Бясстрашны ці глупы? 

Сярод бакланаў - як і іншых птушак на Нёмане - пастаянна адбываецца рух і раз адзін сядзіць, то, значыць, у сё ў парадку. І праз некалькі хвілін да яго далучыліся яшчэ два бакланы. Вось так бясстрашныя даюць прыклад іншым не баяцца)

І дарослым (чорным з белай плямай збоку) - таксама.

Нёман у Дарошавіч, Гарадзеншчына, 06-03-2020

Аўтар - Дзьмітры Вінчэўскі