Шэрыя вароны і арэх без скандала

Дакументацыйныя здымкі і відэа

Як гэта ні дзіўна, амаль штодзень бачу гракоў і шэрых варон, якія знаходзяць і з'ядаюць прыхаваныя раней грэцкія арэхі.

Звычайна птушка з арэхам стараецца сесці з ім так, каб іншыя не бачылі, бо інакш не заўсёды атрымліваецца з'есці арэх таму, хто яго знайшоў. Тады бываюць рознай працягласці і інтэнсіўнасці "скандалы", у якіх удзельнічае розная колькасць птушак.

Але бывае і інакш. Як гэтая шэрая варона (Corvus (corone) cornix) знайшла і разбіла арэх, я не бачыў. Але зусім адкрыта даставала змесціва з адной з палавінак. Хутка побач без скандалаў з боку першай да другой палавінкі арэха падляцела другая варона і стала даставаць тое, што там засталося ад першай.

"Другая птушка з пары, таму першая не рэагуе на яе з агрэсіяй" - падумаў я.

Але яшчэ праз нейкі час да іх далучылася трэцяя варона! 

https://youtu.be/uOX09o5FkBI

І тады прычына падобных жа талерантных адносін як мінімум да трэцяй стала зразумелай) - усё ужо было з'едзена.

02-01-2021, Гродна

Аўтар - Дзьмітры Вінчэўскі

__________________________-

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.