Вясковыя ластаўкі: - Карміце нас! Частка ІІ

Працяг, пачатак гісторыі з маладымі вясковымі ластаўкамі (Hirundo rustica) ТУТ.

Калі доўга і настойліва прасіць, каб пакармілі, нехта гэта зробіць)

Хутчэй за ўсё, канешне, нехта з бацькоў, і нават хутчэй за ўсё толькі яны. А крычаць маладыя ластўкі ўсім ластаўкам, якія пралятаюць побач магчыма для таго, каб нагадаць бацькам, што яны ўсё яшчэ галодныя і павінны несці здабытае яшчэ і яшчэ. А як побач пралятаюць не бацькі, то горш ад галодных крыкаў не будзе)

І дарослыя ластаўкі прылятаюць з новай порцыяй прыкладна кожныя 5 хвілін. З таго, што ўдалося разгледзець, гэта былі дробныя стракозы - іх, напэўна, нецяжка налавіць над берагам, нават ганяцца за імі не трэба.

Здаецца, моладзь знайшла выдатную прысаду і дарослыя ведаюць, дзе сядзяць іх патомкі. Але як толькі пачуюцца кароткія і звонкія крыкі трэвогі  на коціка ці сабачку знізу, ці недалёка ад сябе птушаняты заўважаць нейкія рэзкія рухі людзей, маладыя пералятаюць і шукаюць новую прысаду. Таму бацькам трэба не толькі шукаць для іх ежу, але і помніць як крычаць і як выглядаюць менавіта іх птушаняты. Або карміць усіх, хто просіць з надзеяй, што іншыя дарослыя ластаўкі пакормяць тваіх.

06-07-2021, Гродна

Аўтар - Дзьмітры Вінчэўскі