Маладыя вароны: Вучымся быць гурманкамі

Дакументацыйныя здымкі і відэа

Хаця я ўжо раней бачыў, як шэрыя вароны (Corvus (corone) cornix) прачэсваюць у пошуках схаваных малюскаў схілы ў Нёмана, а потым разбіваюць ракавіны і з'ядаюць вінаградных смаўжоў (Helix pomatia), параўнаць як гэта робяць маладыя птушкі, было б цікава.

Таму як толькі я ўбачыў маладую варону са смаўжом у дзюбе, я прысеў і стаў здымаць што будзе далей:

Як варона ні старалася засунуць дзюбу унутр ракавіны, нічога ў яе не атрымлівалася. Побач нейкага выніку спакойна чакала другая, таксама маладая птушка. І як толькі смоўж выпаў у першай, другая падхапіла яго, але і ў яе таксама нічога не атрымалася.  Праз хвіліну-дзве абедзве вароны са смаўжом адляцелі, але наўрацці ў іх атрымалася дабрацца да змесціва ракавіны і пазней. Стала зразумела, што маладыя птушкі проста яшчэ не бачылі, як вінаградных смаўжоў 'ускрываюць' дарослыя вароны, а самі яны прыдумаць добры спосаб так і не змаглі.

Вось для гэтага і патрэбна навучанне, каб хутка передаваць новым пакаленням і распаўсюджваць на новыя тэрыторыі эфектыўныя метады здабыцця цяжкадаступнай або новай ежы.

15-09-2021, бераг Нёмана ў Гродна

Аўтар - Дзьмітры Вінчэўскі